TRUMP NIH AUAR TAKTAK MI AMY CONEY BARRET KONGLAM

Supreme Court Ah Trump Nih A Thim Lai Tiah Ruahmi Amy Coney Barret Cu Mizeidah Asi? US ram Supreme Court ah Justice Ruth Bader Ginsburg a thih hnu in President Donal Trump cu Supreme Court Justice ah Biacaihtu dingmi pakhat thim ding in ai timlam tiah ruah a si. Thawngthar a hun chuak colh mi cu Amy Coney Barrett timi hi Supreme Court Justice ah thim ding in ai tim ko tiah theih a si.

Amy Coney Barrett timi nu cu mizeidah a si?Amy Coney Barrett (former Notre Dame law professor) hi kum 48 a si i, Seventh Circuit ah kum thum tiang a tuan manh mi a si. President Trump nih Supreme Court Justice ca ah Barret a thim dingmi thawng cu Democrats nih duhlonak an hun langhter colh.2018 kum lio ahkhan Supreme Court ah Justice Anthony Kennedy thlengtu dingin rak chuahpi cangmi a si.

US ramchung ah Democrats lei nih an duh mi abortion rights, the Affordable Care Act, gun control, climate regulation kong he Barret hi an ca ah ral ngai a si tiah ruah a si.Amy Coney Barret hi Republican nih an duhnak ruang tampi lakah; a nih hi Biacaih bawi tuan ding ah cun mino a si. Cu pin ah RC biaknak lei ah aa pe ngaingai tiah zumh a si.

Conservatives ruahnak a pom mi a si lawng siloin, sual a kawl tu hna ca ah dironhnak a tuahmi ruangah an uar ngai. Democrats le Barret a dohtu hna cu atu ah cun RC biaknak a tuahtu hna bantuk ah an cang.Barret hi New Orleans chuak a si. Notre Dame Law School in degree a la. Conservative Justice Antonin Scalia kuttang ah Sihni rian saupi a tuan.

2002 kum ahkhan Notre Dame Law ah cachim rian a tuan. Kum 15 chung ca a chim. 2017 kum ahkhan President Donald Trump nih United States Court of Appeals for the Seventh Circuit ah a thim.A tu ahcun Barret hi Indiana ah a fale pasarih le ave he khua an sa. An fa le lakah pahnih hi Haiti ram in an i cawmmi hngakchia panih an si.

2017 kum 7th Circuit position pek a si lio ah Democrats Senator Dianne Feinstein nih “na biaknak le na zumhnak hi midang cungah iap chih a duhmi na si tiah na tuanbia kan theih. Zumh mi thil a dik tiah mi cawnpiak nak lungput na ngei” tiah a rak ti bal. Hi tikah vawleicung RC hruaitu pawl an thin a rak khenh hna. “na kan thleidan hrimhrim” Feinstein cu anti-Catholic ah chiah ai huah.

Trump nih Amy Coney Barret hi Supreme Court Justice ah a thim lai maw timi cu a fiang taktak rih lo. Asinain, Conservative lungput a ngei i, Khrihfa biaknak a duh ngaingai mi Biacaih bawi pakhat thim ding ah bia a chuah tikah Liberals nih an duh lo ngaingai ve. Source: The Cut. Credit:CBN

Be the first to comment

Leave a Reply

Your email address will not be published.


*