TRUMP CAAH THAWNGTTHA A CHUAK, JOE BIDEN CU ZAANGFAK ASI KO CANG HIH

Donald Trump caah thawngpang ttha lei a chuak cang, culio ah Democrats lei caah cun thawngpang chia ngaingai a chuak ve. President le Vice president dingmi Candidate an thanh hnu ah Democrats dirhmun cu a ttumchuk taktak tiah Poll ah alang cang. Donald Trump a thlak dingah Democrats nih an thimmi pahnih hna cu US mipi nih an rak uar lo taktak hna ti afiang cang.

Hi konghe pehtlaiin Left wing Media tiah auh lengmang mi CNN nih Poll atuahmi ah Biden le Harris cu an dirhmun a ttumchuk taktak. Adonghnak bik CNN nih poll atuahmi ah Biden le Harris cu an ttumchuk ngaingai. Ahmasa deuh Poll tuahmi ahcun Biden nih Trump cu point tam ngai in a tei. Asinain adonghnak bik ahcun point 4 lawngin a thlau cang.

Cun abiapi taktak state thimmi ah hin point pakhat te lawngin Biden nih a tei cang. Poll tuahmi an langhterning ahcun Joe Biden hi 49% asi i, Donald Trump cu 48% asi. Pakhat te lawngin a tei. Aliamcia June thla ah CNN nih arak tuah mi Poll ah Biden nih hin Donald Trump cu point 14 in a rak thlau. Asinain Biden cu point 10 in atu ahcun attum cang.

Point 10 a sunghmi cu Donald Trump sin ah akir dih cang. Tutan ah Poll an tuahmi hi August ni 12 in August ni 15 karlak i asi. Hi zawn ah an langhter mi cu Liberal Far Left Media CNN hmanh nih atuahmi ah hi dirhmun a phak asi ahcun Biden le Harris hna an dirhmun cu a chia taktak tinak asi cang. Atubantukin an dirhmun atlaknak aruang cu atanglei bangin an chim.

Joe Biden le Kamala Harris dirhmun a ttumchuk nak a ruang cu Black and Hispanic chungah an mah a dirkamhtu an zor caah asi i, cu hna nih cun an dirkamhmi an thlen, cu hna pawl cu Donald Trump lei ah an dir cang caah asi tiah an chim. Hi lio caan ah Republican voters chungah Donald Trump adirkamhtu hna cu atu ahhin 96% an si cang, Rampi huap in tuahmi Rasmussen Poll ahcun 51% nih Donald Trump an duh tiah an langhter.

Be the first to comment

Leave a Reply

Your email address will not be published.


*