TRUMP CAAH THAWNGPANG TTHATUK, BIDEN CAAH THAWNGPANG CHIA TAKTAK

Trump Caah Thawngpang Tha, Joe Biden Caah Thawngchia. Georgia ah lih in vote an tuahmi Trump vote cu memory card chungah athong tenglo kan hmuh cang tiah lawmhnak bia an chim cang. Cun state dang zong , Fox new nih Trump ngeihthiam a hal . Mithi vote ai tello timi kha mithi cia vote aitel ko tehte tha kan hmuh kan ngaithiam an ti.

Republican Party ka hawi le teinak cu ara lio kan hmaika ah caan nih a vun ratpi lio kan ti hna kho. Hngak ko rih usih nuamte in. Democratic caah cun thawngchia taktak a si cang. Vuithum in kan kut benktuah hna usih. Credit: Joseph Thawng Z Ting. atang lei cabia hi relchih, Biden nih minung an thi lai tiah a chimmi he pehtlaiin asi.

Joe Biden athinphang ngaingai cang, Joe Biden nih atimi cu Donald Trump nih president ka sinak ding akham peng asi ahcun nunnak aliammi hna an um sual lai tihi phan aum tiah a chim. Joe Biden cu Delaware ah biachimnak angei. Cu achimnak ah cun zawtnak khamkhawh asinak ding ah hin lungkhat thinkhat tein rian ttuan ahau tiah a chim.

President Doald Trump nih hin thimnak ah teinak ahmuh lo mi cungah a cohlang khawh lomi hi cu mawhphurh nak alak bak lo asi tiah a chim chih. Hi thil hi minthannak asi lo, tiah a chim pin ah Firs Lady tthing Michelle Obama zong nih social media ah Donald Trump cawlcangh ning cu adoh rih. Thimnak konghe pehtlaiin Joe Biden cu vote 306 ahmuh ti asi.

Asinain Donald Trump nih cun teinak ka hmuh tiah voi tam nawn alanghter ve cang. Vote thlak konghe pehtlaiin atuhi court ah biatak tein rian an ttuan cuahmah lio asi. US thimnak ah rian angei bik mi General Services Administration hna nih an timi cu Biden le Kamala Harris hi teinak an hmu tiah an cohlang ve lo tiah an langhter chih ve.

Acunglei konghe pehtlaiin Joe Biden nih atimi cu hithil hi kan theithiam ko lo maw aw.. nunnak liamnak thil asi, kan ttuantti lo ahcun minung tampi an nunnak aliam kho mi asi tiah a chim. Rampi huap in vaccine phawtzamh kongah hin kumvui januarty ni 20 tiang hngah hi thlakhat le cheu atlai cang tinak asi tiah a chim ve. Hi bia achimnak cu Trump nih thimnak kong zeihmanh thlennawnnak atuah lo caah asi i, Vaccine konghe pehtlaiin Biden Team hna cu telh an si lo caah asi.

US thimnak cu theihcio bangin atuhi thil akal cuahmah lio asi i, ahodah teinak taktak a hmu lai timi officials tein thanhnak an tuah tik lawngah afiang te lai. Akarlak ah thawngpang thar tete hi a chuak lengmang i, Donald Trump dirhmun zong atthatuk atimi tampi an um ve. Thenkhat nih cun Biden nih atei ko lai tiah minung tampi nih an langhter.

Be the first to comment

Leave a Reply

Your email address will not be published.


*