TRUMP CAAH CUN NGEIHCHIA NGAI SI CANG JOE BIDEN DIRHMUN ATTHA TUK

Donald Trump hi Joe Biden nih a tei khawh mi asi. Aruang cu Joe Biden a dirkamh mi mirum mi tthawng le te an si hna. An chawva zong Trump a sunghnak dingah cun hman an timh cang hna. Asinain aliamcia sining bantuk asi ko ahcun phan tuk ding cu asi lo ti asi. Aliamcia kum 2016 thimnak ah khan Hillary Clinton a dirkamh mi pawl mi tthawng lawngte an si hna.

Cun minthang pawl hna nih Campaign zong an tuahpiak i, a lam kip in an bawmhchanh. Cun chawva lei zongin biatak tein an rak dirkamh. Cun chawva lei zongah biatak tein Trump he khan an rak i thlau. Aliamcia zuamcawh lio ahkhan Hilary nih a rak hman mi cheuthum ah cheukhat hrawng lawng hi Donald Trump lei nih cun an rak ngeih ti asi.

Tutan zongah Joe Biden lei ah a ttangmi hna cu mirum taktak minthang hna an si.Joe Biden cu Hollywood minthang tampi zong nih Campaign an tuahpi cang i, chawva zong tampi an hmuhchuah piak cang. Minthang pin ah vawlei cung mirum timi hmanh ah aa telmi Billionaires minung 130 renglo nih Joe Biden kan dirpi lai tiah fiang ko in thanhnak an tuah cang.

Billionaires chungah Starbuck CEO Howard Schultz le Michael Bloomberg cun George Soros pawl zong an i tel hna. Bloomberg nih atimi cu Donald Trump a sunghnak dingah cun 100 million ka hman lai tiah a chim. Cun George Soros zong nih ati mi cu ka thawh rih lai tiah achim, Soros nih hin ting 5 renglo a thawh cang. Ebay President Jeff Skoll zong nih tingruk renglo a thawh bak cang.

Midang tampi athawhmi chim cawk lo an si cang. Cuticun vawlei mirum hmanh ah aa telmi hna nih Donald Trump asunghnak dingah Joe Biden an dirkamh cang. Donald Trump lei hi nau August thla tiangah khan an hmuh tangka hi 210 million a si cang tiah an chim. Hi lio caan ah Joe Biden lei nih cun August thla tiang ah khan 364 million an hmuh cang. an i thlau taktak khi asi.

Cun tuthla chung zongah tampi kan hmuh chuah rih lai tiah an i ruahchan. Cun Black Lives Matter pawl si hna seh, ANTIFA pawl sihna seh, LGBT pawl le Setanic phoih pawl hna nih Donald Trump a tlin lonak dingah cun kan si khawh chungin rian kan ttuan ko lai tiah an chim chih. Chawva lei cun Donald Trump lei hi Joe Biden lei nih an tei ngaingai hna. Biahalnak, Joe Biden Nih Trump hi atei hnga maw?

Be the first to comment

Leave a Reply

Your email address will not be published.


*