TRUMP AN DIRKAMH RUANGAH PASTOR NIH ARIAN ACHUAHTAK

A Member nih Trump an Tanh ruangah Michigan Pastor nih a Khrihfabu a Chuahtak. Kan khrihfabu nih Trump kan tanh ning hi a luantuk, tiin ka hmuh caah ka khrihfabu ka chuahtaak lawlaw cang, tiin Michigan i Christian Reformed Church pastor nih a chim. Trump a tuahsernak tuanvo laakter dingin tuanvo kan i ngeihmi kan khrihfabu nih kan kaltaak (abandon) cang, tiin ka hmuh ning a si cang, tiin Oc. 11 i East Saugatuck CRC i a nehhnungbik thawngtha a chimnak ah Pastor Keith Mannes nih a mi pawl a chimh hna.

Martin Luther King nih hi bangin a chim bal: ‘Khrihfabu hi ram pakhat i a lubik (master) zong a si lo, cun a sal (servant) zong a si lo, asinain, ram pakhat i fimchimtu/khuari khuara a tuakpiaktu (conscience) ka si, ti hi khrihfabu nih ai theih hrimhrim awk a si, tiin Ps. Mannes nih the Sentinel ah a chim. Nihin tiang i khrihfabu a cawlcanghnak ning zoh tikah, mi lungthin a tuaitam ngaingai.

Ka lung a ka buaitertuk cang caah, zeizong te kaltaak dih kai timhnak hi a si, tiin a chim. Trump kongkau he pehtlaiin ka member pawl sinah bia ka pau sual lai, ti lawng ka phang zungzal. Cu ti i sum in ka ummi ko cu ka celh lo mi bik a si, tiin a chim. Trump a holhrel a chiatkhatmi le a tuahsernak thalo pawl ka duh ti lo nak hi a sau ngaingai cang.

Cun ka riantuan hawi zong keimah bangin Trump a duh lo nak a sau ve cang, tiah Ps. Mannes nih Sentinel ah a chim. Cu bangin in Trump a hmumi hi keimah lawng ka si lo, a dang pastor tampi an um cang. Jesuh kong thawngtha kan chimmi lengluang cu hihi maw a si? Kan chimmi le kan cawlcangh ning ai pehtlai ruam ne lo hi teh, tiin Ps. Mannes nih a chim.

Cu zawn te cu pastor tampi hna an thinlung ah phurrit pakhat a si cio cang. Hi mipi hi ka dawt hna, Pathian zawng ka dawt, Jesuh zong ka dawt, khrihfabu zong ka dawt, asinain kan lakah thil ai mah lo mi thlam a leng tuk cang, tiin a chim. Pastor Mannes le Alicia hi kum 4 chung hmun khat te ah Pathian rian an tuanti i thluachuah za a kan halpiaktu an si. An cungah kan lunglomhnak langhter kan duh.

A lamkip in Jesuh leiah lam a kan hmuhsaktu an si, tiin email in Khrihfabu nih ca an hei kuat ve hna. Zumhtlaaktein kan sinah rian an tuahmi cungah kan i lawm hringhran. Bawipa nih thlua chuah hram hna sehlaw, hmailei ca i a tinhpiakmi thil vialte hmutong kho dingin umpi hram hna seh, ti hi kan thlacammi a si, tiah member pawl nih an langhter.

Oct. 11 i a nehhnungbik thawngtha a chimmi cu Facebook in an thlahpiak i, biatluang te he rian in an dinhnak kong a chim hnu ah, zapi sak dingah Matt Maher phuahmi “Hold us Together” hla an sati i cu ti cun pumh an donghter. Poll tampi zoh tikah, Trump a ziaza hi Khrihfa nunphung he ai rem lo mi tampi a um ko bu zongah cun, vunrang evangelical Khrihfa tampi nih Trump hi biataktein an dirpi peng ko rih.

Trump hi zumhawk a tlakmi (Khrihfa) hna a huamzualtu (defender) a si, tiin ka hmuh caah ka tanhnak hi a si, tiin Tallahassee ah a ummi City Church i Southern Baptist pastor Dean Inserra nih the Washington Post ah a chim. Trump vote kan pek, timi a sullam cu Khrihfa vote kan pek, tinaka si, tiin cheukhat nih an ruah. A ruang cu, nauhrawh (abortion) ralchanh in vote kan thlaak, asiloah Supreme Court a dirhmun hi kan i lunghmuihmi a si, tiin an a sullam an leh caah a si.

Cu bantuk karhlannak cu zei he dah ai lawh ti ah cun, ‘Thil kan tuah ningcang thiam a cohtu cu a donghnak hi a si’ (It is the end that justifies the means), ti khi a si, tiah Inserra nih a chim. Trump hi kan nunphung a humzualtu a si. Amah lei a simi paoh ai a awhtu pa a si, tiin a chim. September lio i Barna Group nih survey an tuahmi ningah, tu kum president thimnak nih hin kan member tampi a hnursuan khawh men hna, tiin a thin a phangmi Protestant pastor hi 75% an si um cang, ti a si.

Protestant pastor 475 sinah poll an tuahmi a si i, 33% hi cu a lungre a thei taktakmi an si i, 41% hi cu lungretheih ai zia deuh mi a si. Cun 26% belte hi cu a lungre a thei lo mi an si. Kan member an i thenhmal (divide) dih te ko lai, tiin fiangtein a chim nganmi hi 10% hrawng an si i, ‘a then taktak khawhmi a si ko” tiin lung awtawm nawn in a chimtu hi 25% an si. Source: Christian Post. Credit: CB

Be the first to comment

Leave a Reply

Your email address will not be published.


*