TLANGLO KHUAMI ZONG ZAM HRAM AA THOK MI ZONG AN UM CANG TI ASI

Breaking News: Kawl ralkap CNF/A camp kal an i tim than tiah Tlanglo khuami hna nih chim. CNF/CNA စခန်းသို့ စစ်တပ်မှ ထပ်မံသွားရောက်ရန် ပြင်ဆင်ဟု တလန်လို ရွာသားများပြောဆို. 2021 March 10 CNF/A le kawl ralkap hna kaphnih ton biaruahnak an ngeih dih hnu kawl ralkap lei Camp Victoria ah an lan i nihin 2021 March 11 zong lan than an i tim tiah theih a si.

Hi kong he pehtlai in Tlanglo khua upa pakhat nih, Nizaan kha kan khua ah an riak. Mehhang zong kan kawlpiak hna i tangka zong an kan pek. Atu hi Camp Victoria lei ah lan an i tim than. Asinain, CNA lei nih lanhter an duh ti lo. Atu hi CNA lei lamkaltu pakhat le ralkap lei bia an i ruah lio a si.A buai ngaingai ko,” tiah a chim. Atu bantuk in ralkap nih Camp lei lan than an i timh ca ah khuami cheukhat an lungre a thei i Mizoram, Hakha le Thantlang lei ah zaam hram aa thokmi zong an um cang tiah kan theih. Credit: The Hakha Post.

May be an image of one or more people, people standing and outdoors

The Hakha Times Aliamcia Nazi pakhat luan ah an taar:Tlanglo ah a riak mi Ralkap Tio ah tum than an i tim tiah khuami sin in thawng theih. Nizaan March 10 ah CNF Camp Victoria ah a kal mi Ralkap cu zahan Tlanglo khua ah an riak i nihin ah Tio ah tum than an i tim tiah khuami sin in thawng kan theih.Hi kong he pehtlai in Tlanglo, Tlangpi khua upa nih Zahan Tlanglo ah a riak mi Ralkap kha atu hi Tio ah tum than an i tim tiin kan zumh hna.

An cawlcangh le an i ceih ning kan zoh hna ah tum than an i tim tiah kan ruah ko.,” tiah The Hakha Times ah March 11 chun 10:45 ah a chim.Tuzing tiang kha cu CNA lei in tuanvo ngei pahnih nih an umpi hna nain anmah zong tuzing ah an tum cang. Thil sining kan fiang lo nain khuami cu ramleng chuak lo ding le ralring ding in kan chimh hna. A zeimaw cu motorcycle in Thantlang leiah a van zaam mi zong an um hna,” tiah a chimchap.Hi kong he pehtlai in CNF/CNA tuanvo ngeitu kan van pehtlai kho rih hna lo. Thawng fiang deuh pehzulh in thanh than khawh kan van i zuam lai. The Hakha Times

Be the first to comment

Leave a Reply

Your email address will not be published.


*