TTIHNUNG TAKTAK MITHLA NIH LUNGIN A CHEH HNA

Khuaruahhar taktak thil asi. Khuaminthang Simveng (Lamka) thlanmual pawngah a ummi Pi Muan Cing te umnak inn cu lungin an cheh hna. Lungin a cheptu hna nih aho timi an thei lo. Lung an chehka ahcun hngakchia nih an vun cheh ko lai hih tiah an zumh. Asinain pawngkam an zoh tikah ahcun ahohmanh hmuh awk minung an um lo.

Lung hi khoika in dah an vun chehmi asi hnga tiah an dottlet len nain an thei kho lo. Lung cu pehzulh in cheh lengmang asi tikah um khua nuam lo ngaiin an um hna. Khuaruahhar pakhat a simi cu lung an chehnak lung hi inn chungah an tla hna. Asinain lung a rak luhnak hi pakhat hmanh an thei kho lo.

Inn cung hi canpheo asi konain pakhat hmanh lung a ratnak ding canpheo a tlekmi zong a um lo. Sihmanhsehlaw Lung cu inn chung ah a tla thiamthiam hna. Hithil atongmi inn lungin an chehmi hi Pi Muan Cing te lawng zong an si lo. Pawngkam a ummi hna zong nih an ton cio tiah an chim.

Pa pakhat cu kuak a zuk cuahmah lio ah a kuak cu Lungin an cheh tthan rih ti a si. Lung an chehnak pawl Lung hi an char hna i, Lung 90 renglo bak te asi tiah an langhter. Hi zawn ah khuaruahhar ngaingai pakhat a chuak tthan mi cu, lung an chehnak lung pawl hi hmunkhat ah an pumh hna hi hmantlak an timh.

Phone in hmanthlak an timh tikah an phone cu amah tein a off tiah an chim. Pastor te hna nih thlacamnak an tuah i, Thla an cam cuahmah lio zongah lung cu rak cheh peng a si ko tiah an chim.Lung nih a khenmi zong hi an um len ko nain pakhat hmanh fahnak tiang cu a phan lo ti asi.

Hi thil a liamcia nizan tihni July ni 18 in khan aa thok i, nizan July ni 19 tiang kha pehzulh in lung cu rak cheh lengmang asi ko tiah an langhter. Hi konglam a theimi paoh khuaruahhar ngai in an um cio hna. Hi konghe pehtlaiin a tang hi thilsining biaruahnak le biahalnak an tuahmi a si. Holh a theimi caah video zoh khawh asi. hika hi voikhat hmatlaw video zoh khawh asi