THINPHANG SI CANG, KAWLRAM UM, A MIPI VIALTE A AUH DIH CANG HNA

Kawlram cozah kongah Britain an thinphang ruangmang cang. Britain nih thawngthanhnak a mipi sin ah an tuah cang. Britain nih a timi cu Kawlram ah a ummi ka minung vialte kawlram chuahtak cang uh tiah thanhnak atuah cang hna. Tutan ah hi konghe pehtlaiin Britain cozah nih fiang tein a langhter mi le thanhnak atuah mi hna cu atanglei bantukin hin a si.

Britain cozah nih kawlram chungah a ummi a minung vialte hna cu a si khawh ahcun kawlram chuaktak dih cang uh tiah nawlnak atuah cang hna. Cun apeh rih mi cu aherh taktak mi daidua dah nan ngeih lo asi ahcun Kawlram ah hin um ti hlah uh tiah tuchun ah thawngthanhnak a tuah cang hna. Culawng siloin kawlram a chuahtak kho rih lomi vialte hna cu nan umnak inn ah rak um uh law lengah rak chuak hlah uh ati hna.

Atu bantuk in Kawlram ah a ummi Britain minung vialte hna Britain cozah nih thanhnak atuah hna nak a ruang tiah an chimmi cu, Kawlram chungah buainak a chuah ruangah siseh Kawlralkap le palek hna nih hruhru hranghrang in cawlcanghnak an tuahmi a zualhmat chin lengmang caah asi tiah an chim. Kawlralkap nih uknak an lakmi hi Britain cozah nih biatak tein a doh mi an si.

British Prime Minister Boris Johnson hospitalized for testing after  coronavirus diagnosis | MPR News

Thawngpang Dang:Kawlralkap le Palek nih Poland rammi zong an tthuat cang. Kawlralkap le Palek ziazia cu fihnung taktak asi cang. An tuahsernak a zualhma chin lengmang cang. Thawnglatu cung tiangah lungdiriam taktak in thil an tuah ko cang. Meithal in tthenkhat an kah hna, tthenkhat an tleih hna lawng siloin faktuk in an velh rih cang hna. Hi konghe pehtlaiin thanhnak an tuah cang.

Taungkyi khuapi ah ramdang thawnglatu pakhat cu kawlralkap nih diriam taktak in an velh hnu ah an tleih. Tutan ah ramdang thawnglatu kawlralkap nih an velh hnu ah an tleihmi hi Poland rammi Robert Biciaga a si. Amah hi mipi le kawlralkap cawlcangh lio hman a thlami asi. Mipi pawl cungah kawlralkap nih cawlcanghnak an tuahnak pawl cu hman a thlak hna, culio ah an velh i an tleih hnu ah case an tuahpiak rih.

Hi konghe pehtlaiin Kawlralkap hna nih a liamcia deuhte ah khan Japan thawnglatu minung pakhat zong an rak tleih cang. Asinain ngeihthiam halnak a tuah hnu ah an thlah tthan tiah theih asi. Tutan ah kawlralkap nih an tleihmi ramdang thawnglatu Robert Biciaga hi an thlah le thlah lo theih asi rih lo. Hi tleihnak kongah Poland lei nih an chimmi a um rih lo tiah News Journal nih alanghter.

Be the first to comment

Leave a Reply

Your email address will not be published.


*