THINPHAN NGAI ASI CANG HIH BRISBANE UM LAIMI I RALRING USIH

Laimi Tampi umnak Australia, Brisbane cu atu hi an buai ngaingai tiah theih asi. Thinphang ngaingai zong asi i, anmah a cozah zong an lungre athei ngaingai i, biatak tein dottletnak an tuah cuahmah liopi asi. Thil sining an chimmi cu a tanglei bantuk in kan vun langhter. Laimi tampi umnak Brisbane hi zawtnak a um lo nak hmun asi.

Brisbane ah hin tulio vawleipi nih an buaipi taktak mi zawtnak Coronavirus hi cu hlan ahcun a um lo tiah an chim. Asinain tutan ah khuaruahhar in thil a hung um. Cu thil cu Minak nu pakhat sin ah coronavirus zawtnak hrik an hmuh caah lungrethei ngaiin an um hna. Mah minak zong cu nawlngeitu hna nih an tleih cang.

Minak nu hi naite ah khan Melbourne in Brisbane ah a rak lutmi asi tiah an theih. Ramri zong ah tthatein phihkharnak an tuah ko nain Minak nu hi zeitindah Brisbane ah a rak luh khawh ning asi timi hi an thei kho rih lo. Asinain nawlngeitu hna nih dottletnak an tuah cuahmah lio asi. Culawng siloin ahawi nu lila zong zawtnak a chawnh manh cang ti asi.

Minak nu hi khuachung hmunkip kaakip ti awk ah hin aa chok mi asi i, Laimi tampi umnak hmun le hma Laimi dawr pawng zongah a um lengmang mi asi tiah an chim rih. Nawlngeitu hna nih aa chawhvahnak hmun le hma vialte hna zong ahnu an dawi cuahmah lio asi tiah an chim chih rih.

Nawlngeitu hna mah minak cu thongli dantat dingin biachahnak an tuah piak pin ah a zawtnak a vun dam cun thong ah khumh colh dingin biachahnak an tuahpiak ti asi. Hi zawn ah chim duh bik mi cu Laimi tampi umnak hmun le hma ah aa chok lengmang mi asi caah Laimi vialte zong biatak tein i ralrin ngaingai kan hau cang. Hnangam in um ding asi ti lo.