THAWNGTHATUK SI CANG, KAN PI NIH THAWNGTHA ATHANH

Kawlram nih Covid Vaccine 15 million cawk atimh i, minung zong athlah cang hna. Kawlram cozah nih India cozah sin ah Covid vaccine dose 15 million cawk dingin india ah minung atlak cang hna i, zarh khawh ah thilsining fiang in theih asi lai tiah Kawlram rampi ruahnak petu Aung San Suu Kyi nih thawngzamhnak ah a chim.

Hi kong hi Aung San Suu Kyi nih covid dirhmun adonghnak bik report an langhter lio ah a chimmi asi. Aung San Suu Kyi nih atimi cu cawk dingin min kan thut ahcun i chunh khawh asi bak in vaccine hi i chunh colh khawh dingin rian kan ttuan cia dih cang. Ahmasa bik ah ngandamnak lei rianttuantu hna hi kan chunh hmasa hna lai.

Cu hnu ah pakhat hnu pakhat in kan i chun hna lai tiah ati. Cun Vaccine arak phaknak dingah hin athla cu arau kho mi asi. Aphawtning cang he vun tuak ahcun caan arauh deuh khawh caah mipi vialte hna vaccine aphak hlan ah i ralring cio hna usih tiah mipi sin ah nawlnak le thanhnak zong atuah chih. Kawlram cozah nih vaccine hi ngeih dingin biatak tein aa zuam peng mi asi.

Relchih:Donald Trump cu White House achuahtak bak in, ttihnung tuksum in a nunnak aliam lai tiah Iran nih aphuan. Ttihnung ngaingai si ko cang. Iran nih Donald Trump thihnak kong alanghtermi cu lungrawk bak asi. Iran president Rouhani nih atimi cu Donald Trump cu office a chuahtak tikah tuksum in a nunnak aliam lai tiah aphuan.

Thinhunnak in akhatmi Iran president Rouhani nih cabinet meeting an tuahnak lio ah tuksum ngaiin bia a chim. Culawng siloin Donald Trump cu fak ngai le zohchia ngaiin atthuat tiah thawngzamhnak nih an langhter. Trump kong tampi a chimmi chungah mipi alautermi pakhat cu Trump nih office achuahtak bak in saddam Hussein bantukin thah asi lai tiah a chim.

Hi konghe pehtlaiin aliamcia kum 14 ah khan Iragi leader Saddam Hussein cu kahthah arak si cang. Saddam Hussein thihnak kongle a thihning atuarning bantuk in hin Donald Trump zong athi ding ah ai tlak tiah a chim chih. Mihruk Donald Trump hri in thlai thah asi Ni le caan cu mi vialte caah teinak sunglawi asi lai tiah a chim chih.

Zeibantuk lam zong in Donald Trump cu Saddam Hussein thihnak hlei in caanttha cu aphu hrimhrim lai lo tiah alanghter rih. Iran President nih Donald Trump avun tthuat ning le athihning konglam a chimphuan mi cu tulio social media ah alangsar ngaingai mi asi. Mikip nih Iran president cu fak ngaiin an soisel len nain Trump ahuatu hna nih Iran president adirpi mi zong an um.

Culawng siloin apeh rih mi cu Vawlei tuanbia zoh tikah khuaruahhar pahnih kan ngei. Cucu mikip cungah tukdohnak achuahter bik an si. Pakhat cu Saddam Hussein a si i, adang pakhat cu Donald Trump hi asi tiah a chimchih rih. Saddam Hussein nih Donald Trump hi ralkap tthawnnak in atukdoh i, Trump nih chawva Iran ah alanghter. Hi tukdohnak ah hin adongh tiang akal ding asi lo tiah a chim.

Be the first to comment

Leave a Reply

Your email address will not be published.


*