THAWNGPANGTHAR, DONALD TRUMP CU ALO KO CANG HIH

Biden caah thawngpang ttha ngaingai achuak cang. Wisconsin le Arizona ah Joe Biden cu thimnak ah atling tiah fehternak an tuah tthan cang. Tutan thanhnak an tuah hnu cun Donald Trump caah cun ruahchannak lam aum ti lo ti asi cang. Trump lei hna nih State paruk ah tazacuainak an tuahmi siseh Joe Biden atling timi fehternak lo dingin an timi cu zeisan hmanh atlai ti lo.

Hi konghe pehtlaiin Arizona Governor, Doug Ducey nih atimi cu kan i thimning cang hi zumh atlak bak mi asi. Arizona ah hin Joe Biden atling bak ko tiah fehternak atuah cang. Joe Biden nih Electoral vote 11 cu alak dih tinak asi. Aralaimi December ni 14 ah Electoral College hna cu tonnak an ngei cang lai i, Joe Biden cu teinak ahmumi asi tiah an thanh cang lai.

Tutan thimnak ah vote an hmuhning cu Joe Biden nih vote 306 a hmuh i, Donald Trump nih vote 232 ahmuh. US president sinak dingah vote hmuh ahaumi cu 270 asi i, Joe Biden nih ceilak in atei tinak asi. Tutan thimnak kongah Trump lei nih cun ningcang loin aum ti asi i, Supreme Court ah kal an i tim ve. Tutiang boruak zoh tikah Biden hi tlin dawh asi ko cang.

Relchih:Election Thawngpang Pehtawnh. Nihin Arizona I mipi theih in election lio Democratic an cawlcangh an chimmi cu a mak. Cu lakah pakhat cu Trump vote lawnhnak caah cabuai an sermi nih ka khuaruah a ka har ter. Joe Biden i vote cu an tian hna I relnakah an chiah, Trump vote tu cu hlawngnak cai tangbuai tangah an chiah zapi hmuh lo dingin minu pakhat nih ka hmuhmi hi atlawmbik ka Lawi hlanah thongkul renglo a si lai a ti.

Cun Georgia state ah vote relnak seh cu Reset kan tuah lai an ti hna, Democratic party nih a sullam cu vote kan fiarmi le Trump vote Biden lei kan thialmi hmu hna hlahseh ti khi a si ko. Na phone kha reset na tuah ah cun a chung ummi a hlawnh dih bantuk in tuah an duh. Trump lawyers nu nih computer a thiam bakmi ai hlan hna I a tuhi an kawl lio cucu Democratic nih an tih bikmi cu a si.

Vote relnak seh reset nan tuah kho lo, a herhmi zoh kan duh caah an ti hna. Trump lawyers hna nih.Tampi thawngpang a um mirang holh hi kathiam lotuk I ka letthlu kho lo, nikhat chungbak an hmuhmi an chimmi a tampi lakah pahnih te long ka tial rih lai.Kan tei hrimhrim hna lai. Kan tei lo le an kan tei ko lai. Teinak cu a ra lio, kei cu Lehmah pakhat hmanh kaithawn kho lo hmaiah ka kal peng. Credit: Joseph Thawng Z Ting

Be the first to comment

Leave a Reply

Your email address will not be published.


*