THAWNGPANG THAR A CHUAH: TRUMP CAAH LAM APIT TLUK SI CANG

Donald Trump zong hitluk tiangtiang asi cangmi cu ailung sak ko cang lai dah. Georgia state vote an reltthan mi cu an lim cang. Asinain Donald Trump cu teinak a hmu hlei lo. Joe Biden nih a rak tei thiamthiam timi an hmuhchuah tthan. Georgia state vote pek ning kongah hin Donald Trump nih a cohlan lo caah vote cu reltthan a si. Vote an reltthan mi tlawmpal thlennawnnak a um.

Georgia state ah Donald Trump cu a hlan deuh an rak thanh lio ah khan Joe Biden nih vote thonghleili in a rak tei. Asinain atu vote an rel tthanmi ah cun Joe Biden nih Donald Trump cu vote thonghleihnih, zahnih sawmriat pali lawngin a tei. Tlawmpal cu attum ngaingai. Kut bak in vote an rel tthan tikah hihi cu rinh atlak mi asi ko cang timi afiang.

Relchih:Fiangpup in thanhnak Iran nih an tuah ve cang. US president thimmi Joe Biden nih phihkharnak alak dih asi ahcun Nuclear hriamnam hnatlaknak tuahmi ah kan kir tthan lai tiah Iran nih an chim. Joe Biden nih Iran cungah diplomacy kalpi dingin biakamnak a rak tuah, Asinain Donald Trump nih cun Tehran nuclear deal hi Iran ca lawngah atthami asi tiah arak chuahtak pin ah dantatnak atuah chih.

Hi konghe pehtlaiin Foreign Minister Mohammad Javad Zarif nih atimi cu US nih Iran phihkhar dantatnak atuahmi hi Joe Biden nih ahrawh dih asi ahcun Iran cu i chang len loin nuclear hnatlaknak tuahmi a um tthan ko lai tiah a chim. Joe Biden hi kum 30 renglo aa thei cang mi kan si i, White House aa thial bak in order pathum a chuah lai.

Biden cozah nih phihkhar dantatnak ahawh asi ahcun Iran cu Nuclear hnatlaknak ning in akal tthan ko lai tiah a chim. White House aluh bak in order achuah a chuah lai i, phihkharnak hna cu a hrawh hna lai tiah a cunglei upa nih a chim chih. Donald Trump cozah hi control khawh lomi an si tiah Iran President Hassan Rouhani nih ati ve.

Joe Biden cozah nih cun a liamcia kum 2015 ah rak tuahmi Iran Nuclear deal atthatukmi kha a tuah tthan lai tiah a chim. Iran nuclear deal rak tuah lio ah hin US president cu Barack Obama a si i, vice president ah atu Joe Biden hi a rak si. An mah pahnih chan ah rak tuahmi asi. Aliamcia hnatlaknak an tuah lio ah Iran cu vawleipi nih phihkharnak arak tuahmi ngol asi.

Be the first to comment

Leave a Reply

Your email address will not be published.


*