RUSSIA NIH JOE BIDEN PHOIH PAWL CU AN I HMUI TINH CANG

Biden Campiagn Tutahtu Phu Russia Hackers pawl nih an Tuitam, tiin Lunghrinhnak a um. Democratic presidential candidate a si mi Joe Biden i a campaign tuahtu phu pakhat cu Russian state nih a dirkamhmi hackers pawl nih ai hmuitinh cang, tiah Microsoft Corp (MSFT.O) nih a chim. Hi kong a chimtu hi minung pathum an si.

A liamcia thla 2 chung vialte kha, Biden le a dang minthang Democrats pawl he rian a tuanti cuahmahmi campaign strategy le communicaitons phu a si mi Washington-based SKDKnickerbocker cu hack tuah an timh, tiah thawngpang theih a si. Hackers pawl nih hin SKDK network chungpi tiang cu an lut kho manh lo. An networks pawl hi thatein venmi an si caah, an luhhnawh khawh hna lo nak hi a si, tiah SKDK kong a thei ngaitu nih a chim.

Hi kongah SKDK Vice Chair Hilary Rosen nih comment a pe lem rih lo. Biden i a aiawhbiachimtu zong nih comment a pe lo. A tu bantuk i sual nan kan phuhmi hi a sullam hrim a ngei lo, tiah Kremlin lei in an aiawhbiachimtu Dmitry Peskov nih a chim. Ramdang an election hnahnawhpek dingin hacking tuah hi a timh kan i timh balmi hrim a si lo, tiin Russia nih lehnak a tuah colh ve hna.

US November presidential election hi ramdang cozah pawl nih hnahnawh an pek khawhmi a si, tiin US intelligence agencies pawl nih ralrinpeknak thawngpang an thanh le cangka a tu bantukin SKDK hack an timh hi a si.2016 lio US presidential election Russia cozah nih hnahnawh a pek ko, tiah Robert Mueller le Senate intelligence committee zong nih an chim.

Cun, tutan election zong hi Russia i telhtum ai tim than ko, tiah Mueller nih ralrinpeknak bia a chim bal.Hackers pawl nih hin Biden campaign hi maw an i ngiat mi a si, asiloah SKKDK nih rian an tuanpiakmi hna pawl dah an i ngaitmi an si hnga, ti hi a fiang kho rih lo, tiah Source pakhat nih cun a langhter ve. SKDK managing director Anita Dunn hi Obama chan lio ah White House communications director a si bal i, a tu hi Biden campaign ah senior advisor a si.

SKDK an networks pawl hack tuah a timtu pawl an cawlcanghnak a thei hmasatu hi Mocrosoft an si i, an cawlcangh ning zoh tikah Russia cozah si dawh an si ko, tiin an lunghrimh hna. Hackers pawl nih cun SKDK pawl an networks sinah a hmanlomi account in ca an kuat hna, midang an passwords pawl phozarpiak tim in cawlcanghnak an tuah, cun a dangdang lam le suul hmang riangmang in an networks chungah luh an i tim.

Hi kongah Microsoft lei in comment an pe duh rih lo. SKDK he Democratic Party he naihniamtein pehtlaihnak a ngeimi a si i, presidential campaigns 6 tiang in le congress i cuhnak tampi zong a tawlreltu a si. A tu lio i Biden caah rian an tuan pinah, 2018 lio ah khan Kansas le Connecticut ca i governor pawl an i zuamnak ah rian betak tein a tuan bal. Reuters (Chelsea Bawi)

Be the first to comment

Leave a Reply

Your email address will not be published.


*