RALKAP NIH TUCHUN AN HLIAMH MI KONG THAWNGFIANG

Kalaymyo ralkap uknak duh lo lamzawh minung 6 meithal hliam tuar. March 2 Kalaymyo ah ralkap uknak duh lo lamzawh mi minung 6 nih meithal hliam an tuar, tiah kan theih. Hi he pehtlai in lamzawh ah aa tel ve mi Pu Heng Cin nih “Lamzawh ah hin kaa tel ve. A lai deuh ah ka um. Palek pawl le kan hmaikal pawl an van i ting. Mitthli tlak bomb a hung puak.

May be an image of one or more people and indoor

Cu vial ah lam zawh mi kan naule zeimaw zat hna cu buaipi an si. Ka um ve ko nain khoika in kuan hi a rat ti hi a ruah awk ka thei lo. Lampawng inn cung in a si rua an ti i an va kal nain a si lo an ti. Inn pakhat in a silai an ti, cu inn cu innka an hrenh. Khoika in a si hngalh lo in kan naule minung paruk nih meithal hma an pu ko,” tiah The HaKha times ah a chim.

No photo description available.

March 2 lamzawh pawl hi chaklei in a zuangmi le thlanglei in chaklei ah a kai mi phu tiin an si. Hliamhma a tuar mi hi thlanglei in a rak kaimi pawl an si.Hliam tuar mi 6 ah hin Chin pa Vaal Joseph Thang aa tel ve. Anih hi a kephah ah kuan nih a khen i kuan a tang an ti.

May be an image of one or more people and people sitting

Midang pa 5 hna lakah pakhat cu a paw ah kah a si i a ril a chuak i Mandalay ah kalpi ding in Royal Hospital siibawi nih a ti an ti. Hliamhma tuar dang minung 1 cu, a taang orhlei in a hnulei ah a vawr i, oxygen pek cuahmah a si ve an ti. A dang minung 3 hna hi an ke ah hliam an tuar cio tiah, kan theih. Credit: The Hakha Times

Relchih:Min Aung Hlaing cu athin hung bak ko lai hih. Kawlralkap minung 10 cu KNU hriamtlai sinah CDM an tuah. KNU hriamtlai lei in upa pakhat nih a chimnak ah Kawl ralkap minung 10 cu kan sin ah CDM an tuah tiah a chim. KNU hriamtlai upa pakhat a simi cu DVB nih nihin March 2,2021 ah interview an tuahnak ah mah bi a chim hi a si. Kawl ralkap le palik lei in kan sinah ralkap uknak duh lonak langhter in kan sin CDM a tuah mi cu kan cohlan peng ko hna.

Hriamnam ken lo zong tuah khawh a si i hriamnam ken zong in tuah khawh a si.Ralkap nih February 1,2021 in uknak an lak in a tu tiang ah Kawl ralkap 10 cu kan sinah CDM an tuah cang. Zei tik can poh ah lunglawm tein kan cohlan hna. An humhimnak ding siseh, an din ei le an thutdirnak konh zong ah tha tein kan zohkhenh hna” tiah KNU upa pakhat nih a chim.

Kawl ralkap le palik chung ahhin ralkap uknak a duh lomi tampi an um ve hna. Chun he zan he buainak a um tikah ralkap le palik an celh ve ti lo, an thaba tuk ve cang. CDM teinak kan hmuh deng cang ko hih. Lungthin khat lungrual tein CDM hi pehzulh in adih donghtiang tuah ko hna usih. Kan lung ai rual ahcun teinak kan hmuh hrimhrim ko lai. Cucaah hohmanh thachia lotein CDM hi pehzulh hna usih.

Be the first to comment

Leave a Reply

Your email address will not be published.


*