RALHRANG HRIAMNAM NGAN ATLAITU 5 CDF LE PDF NIH AN KAH THAH HNA

Good News: CDF le PDF fonh in ralhrang kawlralkap hriamnam ngan akaptu minung panga an kahthah hna.Tuzing September ni 12 ah Saw peng ah ralhrang kawlralkap le mipi vengtu an ikap. Hi i kahnak ah ralhrang kawlralkap lei in hriamnam ngan a kaptu minung panga an nunnak a liam pin ah minung pali hliam hma an tuar rih tiah an langhter.

Tuni i kahnak ah hin mipi vengtu ralkap hna cu CDF le Yaw, Saw PDF hna an i fonh i, an i kah hi asi. Hi konghe pehtlaiin Mindat CDF lei in ralbawi pakhat nih a chimmi cu ralhrang kawlralkap nih 60mm in voi 100 hrawng cun 40mm in voi 200 hrawng aa kan kah. Asinain kanmah lei cun hliam atuarmi le anunnak a liammi pakhat hmanh an um lo tiah a chim.

Saw peng a ummi ralhrang kawlralkap le CDF mindat, Kanpetlet PDF, Yaw PDF le Saw PDF fonh hna cu nifatin ti awk in an i kap lengmang, Ralhrang kawlralkap lei hna nih motor pakua in thaazaang an vun chap tthan hna caah kahdohnak hi a pehpeh in a chuak ko lai tiah theih asi. Tuni i kahnak ah mipi vengtu leiin a nunnak aliammi an um rih lo.

May be an image of tree and outdoors

Salai Bawi Lian Mang Cabia: မအလ တို့ ေ သာင္း က်န္း သူ ေ တြ ရဲ့ လူ မ ဆန္ တဲ့ လုပ္ ရပ္။ MAH le ralhrang rual thil tuah. Kum 70 leng asi cang mi ka nu le a tu le an um nak in an kah. An motor zong voi tampi an kah. Ka nu nih khan nan mah ralhrang rual kha an ttih nemmam hna lo. Voitam tuk nan rak auh i bia nan rak hal, nan rak hrocer, A in ah nan tlung i mifir bang zan ah mi nan bawh.

A neih chun rawl an chuan piak hna, A neih chun ihphah le puan lum an aih hna, A tta le pa hnih nan tlaih hna, nan hrem hna i mi nung tuah in nan tuah hna lo. Thong nan thlak hna i rianhrang nan tuan ter hna. Ka nu nih aruahnak a tthul nemmam lo khah, Hramhram uk nak nan chuh lio ah khan Bel chin an tum hnawh hna i khuachia tthawl in an tthawl hna.

Nan mah an do mi hna poh kha a dawt hna.A rauh hlan ah nan mah ralhrang cu nan lo lai. Zalon nak le tei nak darkhinng a rauh hlan ah kan tum lai. A tar cang mi ka nu i a thin phan nak le a lau nak cu dothlen nak can lio i rak ton mi capo pakhat, nihchuak thil pa khat men khi asi te ko lai. Credit: Salai Bawi Lian Mang.

Be the first to comment

Leave a Reply

Your email address will not be published.


*