PUMPEK BAK IN RIANTTUAN AI TIM CANG, TRUMP CAAH CUN ASUNGLAWI KO

Thimnak Result kongah biadak tein a buaimi Trump caah biatak tein thaazang achuahmi Rudy Giuliani cu theihcio bangin tulio zawtnak Covid in a zaw. Asinain amah aiawhtu dingah Republican Senator Ted Cruz nih pumpek in keimah nih ka tleih lai tiah a chim. Ted Cruz nih a timi cu Pennsylvania case cu Supreme Court ah keimah nih ka dirpi lai tiah a chim.

Apeh rihmi cu hi kongkau hi keimah dirpi dingah an ka cohlang asi ahcun pumpek in ka dir lai tiah alanghter. Hi konghe pehtlaiin Trump caah thawngpang ttha lo ngaingai mi pakhat achuak tthan. Youtube nih atuhi Donald Trump adirhmun atthatnak konglam vialte chimphuan mi hna cu phihkhar dih a timh cang.

Youtube nih phihkhar a timhmi chungah an langhter mi cu US thimnak kongah vote result ningcang loin a um, vote hi lih le hrawkhrawl in an tuah, timi vialte achim in alanghter mi hna cu phihkhar an timh cang hna tiah CNBCNEWS le NTD hna nih an langhter. US thimnak kongah Inauguration Committee hna nih Biden president elect timi cu an cohlang lo.

Joe Biden cu thawngzamhnak kip nih US President thimnak teinak ahmumi asi tiah an langhter dih. Culawng siloin Joe Biden nih cabinet minister hna zong a thim cang hna, sihmanhsehlaw Inauguration Committee hna nih cun hihi cohlang khawh asi lo tiah an chim. Hi committee ah hin Democrat pathum an um , Republican pathum an um.

Joint Committee an tuah i, Joe Biden lei ttang asimi Nancy Pelosi nih a Democrats hna cu a hruai hna. Republican lei cu Senate Majority hruaitu lutlai asimi Mitch McConnella nih a hruai ve hna. Vote an thlak tikah an i tluk. Adonghnak ahcun biachahnak tuah kho loin an ngol tiah The Epoch Times nih alanghter.

Be the first to comment

Leave a Reply

Your email address will not be published.


*