PRESIDENT TRUMP ACELH TI LO TTIHNUNG IN A HRO CANG HNA

US President Donald Trump nih ttihnung ngai in a hrocer cang hna. US President Donald Trump nih US ramchungah a ummi Sianginn hna cu fak ngaiin ahrocer hna. Trump nih atimi cu Coronavirus zawtnak tlangrai chuankhan in sianginn khar peng an timh asi ahcun cozah nih tangka apekmi hna hi kan phih lai tiah a hro hna.

Sianginn hon hi hngakchia hna ca ah siseh chungkhar hna caah abiapi taktak mi asi. Hilio caan ah dohkalhtu Domocrats hna nih ramkheel lei ah caanttha ngai ah lak an i tim i, Sianginn hna cu pehzulh in khar rih dingin an i zuam peng tiah US President Donald Trump nih a chim chih rih.

Theihcia le thanhnak tuah cang lengmang bantukin US ramchung ah a ummi Sianginn hna hi phungning tein cun August thla dih lai hrawng maw asiloah September thla thok hrawnghrang ah hin Sianginn on hram an thok tawn mi a si tiah an chim.Tutan ah Trump nih sianginn bawmhnak tangka phih dingin ahrocer mi kongah hitihin an langhter.

US phunglam ah hin President nih cozah ahruai cuahmah lio ah Sianginn caah bawmhnak tangka apek mi hi hramhram in a phit kho lo tia si. Cun cozah nih sianginn caah tangka bawmhnak apek mi hi a cheu hrawnghrang lawng asi i, adang vialte cu state cozah nih a pek mi asi tiah an chim.

Sihmanhsehlaw US phung le lam ning ahcun President hna nih hin Sianginn caah relief fund siseh Education grants siseh bailout nak dingmi pek mi hna cu phihkharnak maw asi loah kham chungnak tuahnak nawl angei ve ko tiah an chim. Tutan ah Trump duhning in sianginn an hon lo ahcun hi vialte hi Trump nih atuah te lai tiah an zumh.