PRESIDENT DONALD TRUMP NIH BIAFIANG A PHUAN CANG

US President Donald Trump nih a biakam a let, Asinain a biakam aletmi cu rampi caah ttha taktak in a vun mer khawh cang. Tulio vawlei cungah a laar ngaimi le ram tampi hna nih khap an timh mi cu TikTok hi a si. Hi Tiktok video app cu US president Donald Trump nih US ah pehzulh in hman khawh asi cang lai tiah thanhnak atuah.

Hi konghe pehtlaiin US President Donald Trump nih thawnglatu sin ah a chimmi cu Tiktok ngeitu ByteDance, Oracle (Computer software company) le Walmart (Retail company) hna cu remnak hnatlaknak tuahpi an si cang tiah a chim. Cun hi company pathum hna he hmunkhat ah rian ttuantti a si cang lai. Hi rianttuannak thar cu a min ah TikTok Global ti asi cang lai.

Hi konghe pehtlaiin remnak an tuahmi hi Tuluk nih a cohlang kho lai maw? Cohlang kho lai lo timi hi a biapi ngaimi asi i, Tuluk nih an cohlan ve ahau dingmi asi. Tutan hnatlaknak an tuahmi Tiktok Global ah hin 53% cu US shareholder hna kutchung ah a um, 36% hi Chinese investor hna kut ah a um ve lai tiah a si.

Cun hi company thar dirhmi cu Oracle le Walmart hna kutchung ah a dih lak in a um lai tiah Donald TRUMP nih a chim chih. Tiktok hi US ah minung 100 million hrawng nih an hman ti a si. US mipi caah security zong a him dingin TikTok Global ah hin rianttuan asi cang tiah a chim rih. TikTok konghe pehtlaiin aliamcia August ah khan Trump nih hihi kan khap lai tiah a rak chim. Aruang cu hi Tiktok a hmangmi hna cu Tuluk cozah nih an data pawl a theih dih hna caah hihi cu security caah attha lo tiah a rak ti mi asi.

Thawngpang dang: Coronavirus zawtnak angeimi thlopbul zohkhanhnak dingah African Herbal Medicine timi cu testnak tuah dingin WHO nih hnatlaknak atuah cang. World Health Organization nih thanhnak an tuahmi cu African Herbal medicine hi covid zawtnak angeimi si hnaseh cun zawtnak dangdang thlopbulnak caah hman asi khawhnak dingah Clinical Trial, Phase 3 ah testnak tuah dingin an lunga tling cang.

Tutan ah an timhlamh Herbal medicine hi ttihnung a si maw ti an theih khawh ahcun midang pawl zong serchuah cio dingin rian ttuan a si lai tiah World Health Organization ah Regional director Prosper Tumusiime nih a chim. Hi herbal medicine timi cu Covid thlopbulnak caah hman a si khawhnak dingah rian attuan tu WHO le Africa Centre for Disease Control and Prevention siseh African Union Commission for Social Affairs hna an si.

Be the first to comment

Leave a Reply

Your email address will not be published.


*