PRESIDENT DONALD TRUMP LE A NUPI ZAWTNAK AN NGEI CANG

Donald Trump le a nupi cu zawtnak an ngei taktak cang. President Donald Trump le a nupi Melania Trump cu tunai te khan an i checkmi result a chuak i, Covid zawtnak an ngei timi hmuhchuah asi cang. Hi konghe pehtlai in Donald Trump nih a timi keimah le ka nupi cu positive kan si cang i, kan i erhkhumh cang. Araoh hlan ah kan dam colh ko lai, Kan tei colh ko lai tiah thanhnak atuah.

Donald Trump a sibawi nih a timi cu Trump le a nupi hna cu an ngandamnak attha i, tluangte in President nih a rian zong a pehzulh ko lai tihi ka zumh ko tiah a chim. Atunai ti awk ah khan Trump nih Fox News sin ah kan i test mi result kan hnga cuahmah lio asi tiah thanhnak atuah tlawmpal ah a result hi a vun chuah asi.

Hi konghe pehtlaiin US phunghrampi ning ahcun President nih rian attuan khawh lo asi ahcun Senate President sin ah theihternak atuah lai i, Senate President asimi Sen, Chuck Grassley nih Vice PRESIDENT Mike Pence cu Acting President caah athim lai i Vice president caah House Speaker Nancy Pelosi hi thim asi lai. Trump te zawtnak an ngeihnak konghe pehtlaiin a tunai ti awk ah kan rak thlahmi cu atanglei bang hi an si.

Breaking News: US President Trump a senior Advisers lakah abiapi taktak mi le WHite House ah caan saubik rian attuanmi Hope Hicks cu zawtnak angei tiah an langhter. Amah hi Trump a zul lengmang mi zong asi. Cun Trump sin Copter zongah a cuang ve mi a sipin ah Air Force One vanlong zongah aa cit ttimi zong an si i, Trump kal umnak paoh ah akal peng vemi asi. Hi konghe pehtlaiin Bloomberg Thawngzamhnak nih avun langhter hnu ah New York Times siseh Washington Post zong nih an thanh pin ah amah Donald Trump zong nih alanghter cang. Rian biatak tein a ttuanmi asi i, atu ah zawtnak covid nih a vun tlak tik ah hin apoi ngaingai.

Keimah le ka nupi zong zawtnak check kan si i, a result kan hngah lio asi. Kan i erh lai maw erh lai lo timi zong theih asi lo tiah Trump nih a chim.Hope Hicks cu Trump le Biden biaelnak an ngeih hnu ah Fox News Sean Hannity Show ah interview angei i, cunak cun zawtnak hi angeimi asi tiah Trump nih a chim. Atu bantuk in Trump hnuzultu chungah abiapi ngaimi zawtnak avun ngeih tikah hin a voihnihnak debate zong siseh campaign rally tampi tuah dingmi zong a donh khanh khawhmi asi cang tiah an chim.

Tutan ah zawtnak angeimi Hope Hicks hi aliamcia kum 2016 in khan Trump Campaign Team ah a um cangmi asi i, teinak arak hmuh in WHite House Communication Director ah alut i, naite khan arian achuahtak mi asi. Donald Trump nih atimi cu Hope Hicks he hin caan tampi kan hmang tti tiah a ti. Hi ruangah Donald Trump zong zawtnak angeih ahcun apoi ngaingai lai ti asi.Hi konghe pehtlaiin White House chimnak nawlngeitu Judd Deere nih a timi cu President hi angandamnak ding le attuanpi hawi an ngandamnak ding hi biatak tein atuahmi asi i, ngandamnak konghi biapi taktak ah a chiami asi.

Cun American mipi damnak zong biapi ah a chiami asi. White House i military siseh CDC kong zong thatein a zulmi asi i, zawtnak zong dr ruahnak pek bangin atu le tu atest lengmang tiah a chim.Nai hrawnghrang ah Donald Trump hnuzultu chungah zawtnak angeimi hi tutan ah a zawmi Hope Hicks lawng hi zawtnak angeimi asi ti lo. Amah Trump a vengtu SECRET service chungtel pakhat zong a zaw cang i, Kattie Miller siseh Mike PENCE secy zong an zaw cang. Kattie Miller hi Trump caah abiapi taktak Stephen Miller i a nupi a si. Cun Trump fapa nungak zong zawtnak arak ngei ve cang.

Be the first to comment

Leave a Reply

Your email address will not be published.


*