PDF PAWL MIN AUNG HLAING NIH A SINGKHAW CANG HNA HIH

Min Aung Hlaing nih PDF pawl a tthuat ve cang hna, Abia afak taktak, Min Aung Hlaing nih a timi cu PDF pawl nunnak zong a ngei lomi thilri kha hrawk hlah uh, nan ngamh le nan ral a that taktak asi ahcun ralkap pawl hi rak doh hna uh tiah a chim. Hi bia Min Aung Hlaing nih a chimmi hi Naypyidaw ah tuni meeting an tuahnak ah a chimmi a si. PDF ralhrang hna nih nunnak angeilo mi thilri bomb in an hrawh.

PDF pawl nan ral athat ngai asi ahcun ralkap hi rak doh hna ulaw, Minung pakhat siseh a bu pakhat hrawh duhnak ruangah thil nan tuahmi hi minung phung zong a si lo, hithil nan tuahmi hi ngol cang uh. PDF pawl ralrinnak kan pek hna, thilri hna nih zeihmanh an tuah kho hna lo, Nan ral a that ngai asi ko ahcun ralkap hi rak doh hna uh tiah a chim.

Aruang um loin khuabawi pawl nan thah hna. USDP hna cu dalan tiah fakpi in nan doh hna i nan thah rih hna i, kawlram cu uktu ngeilo mi ram bantuk a chuah ruangah ralkap hna nih fak piin kan rak i doh dingmi a si. Khuachung mipi cungah harsatnak a chuak lai. PDF ralhrang hna tukdohnak a cawnpiaktu hna tlangcung hriamtlai zong daitein rak um tiah kan nawl fawn hna.

Apeh tthan rih mi cu, PDF pawl nan sualnak i ngaichih in ralkap sin ah nan rak i ap a si ahcun lunglawm tein kan in cohlan hna lai i, dantatnak zong pakhat hmanh kan in pe hna lai lo tiah ralhrang kawlralkap lutlai le mithat lainawng Min Aung Hlaing nih fak ngai in PDF pawl cu a tthuat hna.

Myanmar general's visit to Russia keeps arms flowing to junta - Nikkei Asia

Thawngpang dang. Atuzan Sui Thantlang khuachung ah Bomb le meithal thawng a thangtthan hoi. Thantlang mipi caah thlacamnak in bawmcio hna usih. Tuchun zongah Thantlang khuachung ah kahdohnak a chuak i, mipi lei zeisualnak ngeilo ralhrang kawlralkap kuanfang nih minung zeimawzat an khen hna. Atu zong hriamnam ngan bomb le meithal thawng a thang cuahmah.

Tuni i kahdohnak ah ralhrang kawlralkap lei in minung pathum an thi tiah an chim. Asinain CDF lei nih cun pahnih an ti ve. Tuni kahdohnak thawngpang he pehtlaiin khuami pakhat nih a chimmi cu chaklei Biak inn pawngah ralhrang kawlralkap pakhat a thi i, thlanglei deuh Market pawngah minung pahnih an thi tiah a chim ve. Tuni Thantlang kahdohnak mipi lei hliam a tuarmi zong an um.

Hliam a tuarmi chungah minung pakhat cu a hliamhma a fak ngaingai tiah theih asi. CDF lei in cun a nunnak a liammi le hliam a tuarmi an um lo tiah theih asi. Ralhrang kawlralkap hna nih hriamnam ngan an hman ruangah khuami inn pakhat zong akang tiah theih asi. Tuni kahdohnak a chuah hnu ah ralhrang kawlralkap hna nih inn tthenkhat hna cu an phone an check piak ti asi.

Culawng siloin tuni kahdohnak a chuah hnu or thawngpang a daih hnu tiang zongah ralhrang kawlralkap hna nih hriamnam ngan le meithal an puah thluahmah ti asi. Tuni i kahnak ah ralhrang kawlralkap kuanfang le hriamnam nih inn zeimawzat zong a hrawh tiah an langhter. Atu zong hriamnam ngan bomb le meithal apuah caah khuami thinphang in an um i, thlacamnak tuin bawm cio hna usih.

Be the first to comment

Leave a Reply

Your email address will not be published.


*