PATHIAN CHITI THUH NAN SI MAW? TRUMP BIALEHNAK UAR AUM KO

US President Donald Trump nih Pathian chiti thuh asi le silo kong a chimmi asi. President Trump nih interview an tuahnak ah achim. Thawnglatu hna nih Trump an halmi cu Pathian nih president caah aa thimmi asi tiah an chim lengmang mi hi zeitindah na ruah tiah an halmi le Trump nih a chimmi cu hitihin a si.

Thawngzamhnak CBN News nih Donald Trump cu Pathian nih Donald Trump hi President caah a thimmi asi tiah an chim lengmang mi hi zeitindah na ruah tiah ahal. Trump nih atimi cu hibantuk lei kong hi cu ka ruat lo. Asinain ahman mi siseh law ka ruahchan i, ka si khawh chungin rian ka ttuan lai lai tiah a chim.

Donald Trump cu Pathian thimmi asi ko timi bia hi aliamcia ah khan US Secretary of State Mike Pompeo le White House Press Secretary of state Sarah Sanders nih an rak chim bal cang. Aliamcia 2016 thimnak zongah khan Billy Graham zong nih Trump vote ka pek tiah Rev Franklin Graham nih arak chim.

Trump ati tthan mi cu Nan theih bangin ka caah cun a sunglawi taktak mi a si i, nan theih bangin ka caah cun abiapi taktak mi a si. Aruang cu Franklin siseh a chungkhar hna hi ka upat tuk hna i, Billy Graham zong kha a ropui taktak mi asi tiah Trump nih a chim ve.Alenglei in aka dirkamh tampi an um. Kan ramchung ah hin duhlonak alanghter lomi le buainak atuah lomi,

Rian biatak tein a ttuanmi pawl hna an um i, cu hna pawl hna cu mifim an si i, zeithil paoh an ngei. Asinain kan ram politician hna nih an thei ve hna lo. 2016 ah khan an cawlcanghnak an langhter cang i, 2020 zongah khanak tam in an vun cawlcang in an chuak tthan ko lai tihi ka zumh ko tiah a chim chih.

Aliamcia thimnak lai hrawngah khan Trump zuamcawhtu Ben Carson nih arak timi cu Trump hi atling ko lai tiah arak chim chung.Aruang cu Pathian nih atucaan ahhin a thim tiah arak ti. Mah bia hi Ben Carson nih a rak chimchung cangmi zong asi. Zuamcawhnak ah alutmi an si nain hawikom bangin an um i, Trump hruainak tangah Housing and Urban Devlp ah secretary attuan cuahmah mi asi.

Hi konghe pehtlaiin Biaknak lei siseh Ramkhel lei ah dottletnak atuahtu Professor pahnih nih an timi cu Biakinn ah pumhkhawmhnak ahmang tammi hna nih cun Donald Trump hi ram hruaitu dingah Pathian nih Chiti a thuhmi asi ko lai tihi an zumh tiah aliamcia May thla ah khan Fox News sin ah an rak chim.