DONALD TRUMP NIH BIDEN A TINING CU KHUARUAHHAR ASI KO

Donald Trump nih Joe Biden cu hmaichia in atuah ruangmang ko. Joe Biden cu alau taktak lai dah. US President Donald Trump nih US President thar Joe Biden caah cakuat attialmi kong cu thawngzamhnak kip nih an langhter. Tthenkhat nih an timi cu Trump nih Biden caah achiahmi cacu atthatuk tiah an ti. Asinain tthenkhat nih cun a ttha nemmam lo tiah an ti ve. Asinain Biden nih cun Trump nawlpeknak in thlah awk atthat asi ahcun ka thlah te lai tiah fiang ko in a chim.

Atanglei tthenkhat hi vun zoh tuah usih.Nizan ah White House a chuahtak mi President Donald Trump nih President thar Joe Biden rel dingah Oval Office ah cakuat a chiahta. President tthing Donald Trump nih Joe Biden caah cakuat attialmi White House oval office ah achiahta mi hi aliamcia President Ronald Reagan chan lio in tuah lengmang mi asi. Culawng silo in attuan lio president hna nih athar attuan dingmi kha sunglawi ngaiin an telpi tawn hna.

Sihmanhsehlaw Tutan cu theihcio bangin Donald Trump nih Biden cu president sinak pekni le caan ah atelpi lo ruangah siseh, Joe Biden teinak a cohlan khawh lonak konglam cu aliamcia ah khan alanghter dih. Cubantuk in thil akal caah tutan zongah hin lawmhpinak maw asiloah ca pakhat hmanh president attuan dingmi Joe Biden caah hin Trump nih cakuat achiahta lai zong an zum lo.

No description available.

Asinain DonaldĀ  Trump nih Joe Biden caah cakuat achiahta diam. Joe Biden nih Oval office a vun luh bak ah Donald Trump cachiahmi arel tikah cun aa nuam taktak ti asi. Trump nih ca a chiahmi konghe pehtlaiin Joe Biden nih atimi cu Donald Trump nih ca a chiahtami atlamtling taktak mi ca asi tiah a chim. Trump he kan chawnh hlan ahcun mah cakuat hi langhter ka duh rih lo tiah a chim. Hi cakuat kongah atanglei bangin an langhter mi pakhat a um.

Mah lawng siloin Donald Trump nih Joe Biden caah cakuat a chiahta mi konglam asi. Biden nih cun Trump cakuat cabia a chung aa tialmi alanghter lo. Atthatuk tiah alanghter. Asinain Donald Trump nih Joe Biden caah ca achiahta mi cu catlang pakhat hmanh a tling lo ti asi. Cucu Trump nih official tein alanghtermi cakuat bak asi timi hi asi. Cu ahcun zeitindah aa tial hmanthlak he kan rak langhter chih.

US President tthing a simi Donald Trump nih Joe Biden caah cakuat a chiahta mi ah aa tialmi cu Joe, You Know I won timi te lawng asi. Hinih alanghter mi cu tutan thimnak ah teinak ka hmuh bak tiah Donald Trump nih airuah peng, thimnak kong cu zeidah alawh timi thilsining ahmanmi thimnak asimaw timi cu zapi theih asi. Ningcang loin thimnak hi kal hlah sehlaw Teinak cu ka hmuh ko tiah Trump nih ati lengmang mi asi.

Be the first to comment

Leave a Reply

Your email address will not be published.


*