NINGZAK NGAI ASI. ZAN A THAWH KHAWH LO CAAH A TLANGVALPA ATHAH

Mah konghi Zirkong a silo, Ahman taktak mi asi caah kan vun langhtermi asi ti kha ahmasa bik ah careltu mipi nan sin ah theihter le nawl kan duh hmasa mi asi. A tlangvalpa zanthawh a tthawn lo caah athah. Taiwanese nungak kum 39 a simi Tainan timi nih a tlangvalpa cu zanthawh lei ah a tthawn lotuk ruangah meh riamnak namte in a thah.

Tainan a tlangvalpa hi kum 47 asimi Gou ti asi. Zankhat cu a nungak nu nih nupa sinak tuah dingin a sawm i, a sinain aa ruahning bantuk asi lo caah a thin hung i, atu bantukin a thahnak hi a si. Nupa sualnak tuah dingin timhtuahnak an ngei i, an it tti. Asinain a tlangvalpa cu angeihmi thil kha a tho kho bak lo tiah an chim.

Cutikah tlangvalpa nih atimi cu i din ko law tiah ati tikah nungaknu cu a lunghring cang. Ka tlangvalpa hi nungak dang angei i asi lai tiah lunghrinhnak angei. Nungak dang angeih caah zanthawh atthawn lonak hi asi lai tiah aruah. Cu tikah coka ah an chiahmi namte cu aa lak i voihnih a sawh. Namte a sawh lai ah bia zong a chim.

Cu bia a chimmi cu nangmah bantuk minung hi cu thihnak varal hmanh ah hmuh kan duh ti lo tiah a chim ti asi. Namte sawhnak ruangah tlangvalpa cu a nunnak aliam colh tiah an langhter. Tlangvalpa a thah hnu ah nungaknu Tainan cu an inn lei panh in alawi colh i, amah le amah a nunnak lak aitimh cuahmah lio ah a naunu nih a chanh manh.

Thah ai timhnak aruang vialte cu a chim dih. Hi konghe pehtlaiin a naunu nih Police sin ah report atuah hnu ah thil sining vialte zong achim. Ka tlangvalpa Gou hi mi zuangzam taktak asimi le nu aa hruhpi mi a si pin ah nungak zong tampi angeimi asi tiah a chim chih. Kan i uar lio zongah nungak dang angeih ruangah kan i si tawn.

Voikhat le bang cu nungak pathum he an um tti lio zong ka hmuh hna. Ka huatuk ko nain tthen cu ka then kho lo tiah police sin ah a chim dih. Cun ka tlangvalpa he kan buai zan zongah hin nungak dang angeihnak a chim i, hi ruangah nupa sinak zong aka tuahpi kho lo tiah a chim chih. Tainan cu thahnawnnak kong le nupa sualnak case in kum 15 chung thongtla dingin biachahnak an tuah piak (DS).ZNews

Be the first to comment

Leave a Reply

Your email address will not be published.


*