MITTHLI HE TTAH BU IN BIA A CHIM KO CANG HIH I CEI SEH

Black Lives Matter a dirkamh taktak mi Havard Graduate nu pakhat Claira Janover timi cu mitthli he attap ruangmang ko cang. Arian tiangin an chuah. Culawng siloin a rian an chuahnak kongah President Donald Trump dirkamh tu hna cu hramhram in sualtu a phawt rih hna. Claira Janover konghe pehtlaiin a tanglei bangin thilsining cu a si.

Nupakhat Claira Janover nih Tiktok hmangin video a tuah hna. Cu video a tuahmi ahcun Black Lives Matter a dirkamh nak le attanhnak vialte a chimphuan dih. Culawng siloin All Lives Matter timi kong zong fak ngaiin a chim rih. Atimi cu All Lives Matter tiah bia a chimmi hna cu namte in sawh thluahmah hna ding asi tiah a chim.

Cun an thi a chuakmi or apawtmi kha zoh an si lai i, biafak in hrocer chih an si lai tiah a chim. Mah bia a chimnak video cu social media ah biatak tein a hung karh tik ah arianttuannak nih an chuah. Arianttuannak nih an timi cu hithil a tuahmi hi minung thah lainawn zong apoi ah a chia lomi asi tiah an ti caah arian tiangin an chuah. Arian an chuahnak konghe pehtlai hitihin a chim.

Ka rian an ka chuahnak aruang hi ka theithiam bak lo. Hi thil ka tonnak hi Donald Trump dirkamhtu hna khuakhan lairelnak asi lai tiah mithli he ttahbu in a chim.Sihmanhsehlaw ka thil tuahmi pakhat hmanh i ngaichihnak ka ngei lo tiah a chim pin ah hi thil hi ka ngol hlei lai lo tiah a chim rih. Biachap,US sining zoh tikah Trump dohkalh hoih in a cawlcangmi hna hi an hlawhtling timi hi theih awk ahar ngaingai ko rua, An mah lila tu hi an mualpho lengmang tawn.