MIPI AN THINPHANG PALEK LE KAWLRALKAP PAWL NAWLNAK AN TUAH CANG HNA

Rakhine ramkulh ah ralhrang kawlralkap le palek hna cu lampi ah minung check ti lo dingin ANP nih nawlnak an tuah hna. Rakhine ramkulh ah ralhrang kawlralkap le palek hna nih meithal he lampi ah check nak an tuahmi cu ngol dingin nawlnak an tuah. Arakan National Party nih ralhrang sin ah nawlnak an tuahmi hi panga an si.

Nawlnak panga an tuahmi chungah Covid zawtnak a karhtuk lio ah ei le din harsatnak a um i, Rakhine mipi bawmhnak siseh, Covid he pehtlaiin ngandamnak tha a um khawhnak dingah sii-ai harsatnak um lo dingin an duhnak zong an langhter. Rakhine ramkulh chungah ralkap le palek nih meithal he khua cazin an check tawn.

Cun lampi ah cycle le motor zong an check hna. Hi bantuk in thil ralhrang hna nih an tuah ruangah mipi nih a him lo tuk tiah an ruah caah an thin aphang. Tulio dirhmun ah tangka lei harsatnak a um i, ei le din ah siseh, sii le ai, a zeizong tein ralhrang hna nih check hlat nak an tuah dih. Anmah ralhrang nawl onh nak loin a harhmi cu zalong tein luhchuah pi khawh dingin an duhnak zong an langhter chih.

Rakhine Ramkulh Luatnak (Independence) A Ngah Lawngah Kan Tlaihmi Pawl Kan  Thlah Hna Lai: Arakan Army | CCN CHANNEL

Thawngpang dang:Tulio thawngpang a laar ngaingai General Than Shwe cu a nunnak a liam tiah thawngpang biachokvai a tam ngaingai. Hi konghe pehtlaiin thawngpang fiang anmah ralhrang kawlralkap lei nih thanhnak an tuah. Tuni ah General Than Shwe a thi timi thawngpang he pehtlaiin thanhnak an tuahmi cu General Than Shwe hi a nunnak a liam lo tiah thanhnak an tuah.

Than Shwe le a nupi Kyaing Kyaing cu ralkap sizung ah zohkhanh le thlopbul an si. Anmah pahnih hi Covid zawtnak zong an ngei lo i, an ngandamnak zong a ttha ngaingai ko tiah BBC thawngzamhnak nih a langhter. Nizan ah Than Shwe cu sizung ah a um i a nunnak a liam tiah thawngpang aleng ngaingai. Hi kongah ralkap lei in ttuanvo ngeitu pakhat nih Than Shwe a thi lo tiah tuni ah BBC nih fehternak an tuah. Than Shwe cu kum 2011 ah rian in aa din i, atuhi kum 88 asi cang.

Be the first to comment

Leave a Reply

Your email address will not be published.


*