Mindat ah Ral i Dupnak Khor a Comi Kum 14 Tleirawl a Nunnnak a Liam

Mindat ah Ral i Dupnak Khor a Comi Kum 14 Tleirawl a Nunnnak a Liam.Mindat khuachung ah bomb in a kan kah sual ah tiin i dupnak khor a comi kum 14 tleirawl pa cu a cawhmi khor nih a cimh hnawh caah a nunnak a liam, tiah kan theih.A nunnak a liammi pate hi Salai Za Ru tiah theihmi a si i, taang-8 a kai liomi a si. Nihin zanlei sml. 4:00 hrawng ah khor a cawhnak ah vawlei nih a cimh hnawh i a nunnak a liam hi a si.

Mindat ah ni 4 chung mipi runvengtu ralkap (CDF-Mindat) le SAC ralkap an i do i, SAC ralkap lei nih minung 20 leng an thi. CDF-Mindat lei in a nunnak a liammi an um lo. The Chin Journal,April 28, Yangon Ralkap nih an Kahmi Tedim Tlangval Felix Thang Muan Lian Ruak an Lak Khawh

April 27 zaan sml. 9:30 hrawng ah Tedim khuachung ah SAC ralkap nih an kahmi University siangngakchia Felix Thang Muan Lian (kum 22) ruak cu nihin zanlei sml. 5:00 ah chungkhar le mino pawl nih sizung ah an vung lak khawh.Felix Thang Muan Lian hi Kalay University ah History Major kum khatnak a si i, thaizing zaanlei sml. 3:00 ah a ruakthlahnak an tuah te lai. The Chin Journal

Be the first to comment

Leave a Reply

Your email address will not be published.


*