A POITUK HRINGHRAN, MALAYSIA UM CHINMI KAN CAAH CUN APOI TAKTAK

Malaysia: Thaizing kiptuh October 22, 2020 cun rianttuan angah ti lai lo. Malaysia ram cu Covid-19 a karh tuk ruangah October 22, 2020 thok cun rianttuan angah ti lai lo. Rianttuan angah ti lai lo kan ti tikah hin Company rianttuan mi hna le zungah cozah rian attuanmi hna minung tinghra tluk hrawng cu anmah le an inn te ah ttuan a si cang lai tiah The Statr sinah Senior Minister Datuk Sari Ismial Sabri Yaakod nih a chim.

Minister Datuk Sari Ismial Sabri nih a chimnak ahcun mah bantuk in kan tuahnak aruang cu rampi hmuhhimnak ding caah le Covid-19 in kan i vennak ding caah kan tuah mi asi tiah a chim. Public SECTOR le cozah zung rian attuanmi hna lak ah minung tinghra tluk a hnursuan hna lai. Cozah rian a ttuanmi tinghnih hrawng le zeidang company rian a ttuan mi minung tingriat hrawng a hnursuan hna lai.

An inn ah rian an ttuan lai. Mah bantuk inn rianttuan ding konghe pehtlaiin zulhphung cu a rauh hlan ah kan rak chuah ttan lai tiah Minister Datuk Sari Ismail nih cun a chim chih. October ni 22, 2020 in thawk a si lai. Conditional MCO chiah ning ah an mah le hmunhma cio in Ni caan tuak asi lai. Tahchunnak ah Selangor Kuala Lumpur le Putrajaya hna hi October 14-27 tiang CMCO chiah asi.

Cucaah mah hi hmunhma state hna ahcun October 27 tiang khi inn ah rian an ttuan lai tinak asi. Cu hnu ah asining le boruak zoh in peh ding asi ahcun peh tthan ding le ngol ding asi ahcun ngol ding kha a fiang te dingmi asi tiah Minister Datuk Sari Ismial nih The Star sin ah a chim. Curuang ah October 22, 2020 thok in cun phungning loin a ummi Chinmi caah khan rianttuan angah ti lai lo tinak kha asi.

Anmah phungning in rian a ttuanmi le Passport in rian attuan mi hmanh kha asi khawh chungin mah inn te ah rianttuan an timh hna hi asi. Atu thawngthanh ning ahcun CHinmi tampi kan umnak Selangor Kuala Lumpur le Putrajaya kha October ni 14-27 tiang Conditional MCO an chiah mi kha a si caah rianttuan lo ding hi October 27 tiang khi asi lai.

Ni 5 chung tinak asi. Khi pin ah khin an peh ding le peh lo dingmi tucu a fiang te lai. Kan i fian khawhnak ding ahcun an mah cozah zung rianttuan le cozah theih pimi company rianttuan pawl tibantuk kha asi khawh chung in an mah le an inn te ah rianttuanter ding ti khi asi. Kannih phungning lo Chinmi pawl caah cun kha bantuk inn ah rianttuanter ti awk zong kha a um lai lo caah rianttuan angah lo top kha si ko. Credit: TCS

Be the first to comment

Leave a Reply

Your email address will not be published.


*