MAH RUANGAH PEI DONALD TRUMP DIRHMUN ARAK CHIAT KO HI

Joe Biden kong le Donald Trump kongah thawngzamhnak kip nih an langhter cio hna. Asinain an langhter ning hi aidang dih, Tthenkhat cu Donald Trump tthatnak a langhtermi le adirkamhmi an um i, tthenkhat cu Joe Biden tthatnak alanghtermi le Joe Biden adirkamhmi an um ve. Kap ttanh ngei i, thawngpang hi an langhter cio hna. Cutikah mipi zong kan buai cio hna.

Mipi nih kan theih dingmi cu Zeibantuk News Channel dah kan zumh hna lai timi hi asi. Atulio vawlei cungah media ngan timi le nawl angeimi atthawng ngaingai mi zapi nih thawng kan theihnak mainstream news media timi hna hi mirum taktak mi hna ngeihmi lawngte an si deuh dih hna. Hi hna pawl nih an langhtermi zakhat ah sawmkua cu Donald Trump dirhmun achiatnak lei lawngte achimmi an si.

Cu chungah zapi nih theih ngaingai mi hna cu CNN le MSNBC cun New York Times siseh Washington Times le The Daily News adang zong an um lengluang rih. Anmah nih an thanhmi pawl hi thawngzamhnak dang cio nih an langhter cio hna. Cutikah tulio le bangah cun Donald Trump adirhmun atthatnak hi an langhtermi hmuh awk a um lo. Trump kong google ah kawl le bangah cun atthatnak hi hmuh ding aum lo.

Donald Trump atthatnak konglam ttialmi hna cu fb le twitter hna nih an delete colh peng i, sau aum manh lo ti asi. Asi loning lawngte in an langhter peng. Tuzing ka ah minung pakhat nih Biden cu vote 306 ahmuh cang. Donald Trump tu nih cun vote 232 ahmuh timi TV ah ka hmuh in ka theih cucu CNN nih alanghter tiah aka chimh. Asinain kanih chuak salam.

State paruk ah vote an reltthan cuahmah lio le court ah an buai cuahmah lio ah ahodah atling lai timi hi theih asi rih lo. An ruahnak in vote 79 a ummi hi Biden ah an bungh dih or an fonh dih caah asi ko. Cultuk cun thawng dik lo cu vawlei pumpi theih in an langhter. Lih asi konain an langhter bak ko. Zeibantuk thawngzamhnak dah kan zumh hna lai?

Lih thawngpang tampi lak ah Pathian attihmi le biadik lawng athanhmi zumh awk atlakmi news zeimawzat an um hna. Cuchungah Newsmax hi conservative christian news channel, republican le Donald Trump lei adirmi an si. Cun adang news channel reltlak adikmi athanhmi hna cu Sky News, Australia hna, NTD hna, The Epoch Times hna, One American News hna, Christian Broadcasting Network hna hi alarmi an si i, lih athanh ve lomi an si. Credit: BS

Relchih: Tulio US Election buainak kong i, State Pathum ah tazacuainak dirhmun vun langhter usih. Mah state pathum dang, Pennsylvania ah hin Electoral vote 20 a um i, Michigan ah hin Electoral vote 16 a um. Cun Wisconsin ah hin electoral vote 10 a um. Adih lak in electoral vote hi 46 a um. Vote kong ah abuaimi state paruk telloin Biden nih vote ahmuh mi hi 227 asi. Cun hi state abuaimi paruk telloin Trump nih vote ahmuh mi hi 232 asi.

Theihcio bangin US ah hin state 50 a um. Tutan ah state pathum ah tazacuainak aumnak aruang bik cu thimnak tuah lio ah athi cangmi minung thongkul renglo hna nih vote an thlak caah asi i, post in vote in vote an thlak ruangah siseh, vote athlami chungah theihlomi an tam ruang ah siseh, voter register nak tam in vote aum ruang ah siseh,

Cun Ballot paper alem serchom in zantlai ah siseh zinglei suimilam pali hrawngah athlithup in vote aphanmi hi ating renglo cu Biden vote lawngte asi ruangah siseh etc.. aum caah asi. Hi ruangah Supreme Court tiang an phaknak cu asi i, an konglam ceih asinak zong asi. Cun hi kongah Department of Justice hruaitu lutlai Attorney General William Barr zong nih dottletnak tuah dingin order tiang arak chuah kha mu.

Cun Donald Trump dirkamhtu hna nih tehte tam taktak an langhter i, mi konghe pehtlaiin dottletnak an tuah cuahmah lio asi. Hi konglam ttial cuahmah lio ah hin teinak cu kan hmu ko cang asi lo maw tiah minung tampi nih an langhter cang. Hi konghe pehtlaiin Dr Steve Turley nih atimi cu Court nih ningcang lo vote tampi an hlonh cang caah Pennsylvania le Michigan ah cun Republican an awng tiah a chim ve. Asinain court khuakhan lairelnak cu kalpi cuahmah asi caah lungsautein hngakcio ko uh tiah a chim.

Be the first to comment

Leave a Reply

Your email address will not be published.


*