LAIMI TAMPI UMNAK VICTORIA COVID-19 UPDATE LE RALRING AHAU MI

Victoria COVID-19 update. Muicawl in kan chim cang nain ca in kan hun tar than. Nizan Melbourne Nichuahlei Factory pakhat ah Coronavirus zawtnak hmuh a si caah kan hung lau cio hna. Tuchun ah tlamtling tein Testnak an I tuah cio cang. Hi hnu Ni 2/3 chungah result a fiang chom lai. Kan dam ko lai. Kan tha dih ko lai.

Tih tuk awk a si lo. Tlangrai pakhat a si ko. Mino thazaang thawng lebang ahcun Dam fawite a si. Nizan I a damlomi zong thinphan awk a um lo. A dam colh ko lai.Asinain ralring le fimkhur tein thutdir le nawlngaih cu kan Himnak le Damnak caah. atha bikmi a si.Ralrin awk tete.

Hmurhuhnak ( Mask) hman cio ding.A herh tuk lomi ah lengchuah lo ding. Lenkai chuahvah hrimhrin lo ding. Riantuan ruang, Eidin zalh, Ngandamnak ca Lamlen, Damlo ruang sii inn kal lawnglawng ah lengchuah ding. Dawr le herhhai ruang umkal tikah hawi le naih tuk in thut-dirh lo ding. Pe 5 hlat in um ding. Cumpi tbk in kan um sual ahcun Zawtnak hneksaknak tuah colh hrimhrim ding.

Kan damlo ah siseh, Zawtnak ngei he pehtlaihnak le lunghrinnak aum ahcun pawngkam ah thawngthanhnak tuah colh in hmundang te-ah i thlei hrimhrim ding. Kut tawl daithlan hrimhrim lo ding.Nihin tawngpangthar :Australia ahhin khoika state dah zawtnak a tam cem asi? Zeizatdah zawtnak ngei an si? Nihin ah zawtnak thar hmuhchapmi zeizatdah an si?

Nihin hi VIC state hi zawtnak a ngeimi hi 3,595 an si cang I NSW nak in a tam deuh cang. Australia ah zawtnak a ngei an tam cem kan si cang.Mizaw thar 216, Mizapi sinah hmur-huh hmannak ding zeitik dah a phanh lai? Mask 32 million cu ready in hmunkip ah phak ter a si lai. 2 million hi kan order thanmi a phan chom lai. Zeitindah kan phot hna lai, zei bantuk community sin ah dah kan phak ter lai ti cu hnu deuh ah kan in thanh than te hna lai.

Tulio an chim ngaimi ‘Remdesivir’ timi sii nih tulio zawtnak hi a khamh lai maw?COVID-19 zawtnak khamnak si loin, an zawt nganfah in tuar khawh deuhnak caah a si. Mahnih zawtnak a khamh in a dam ter lo. Mah belte mahsi hmannak nih a thimi a tlawmter deuh hna lai tiah ruah a si. Kum 90 minung tar pakhat cu a nunnak a liam than.

Ralkap (ADF ) le police pawl nih mizapi cu nawl an zul maw ti kha an kan ngiat cuahmah ko.Nawlzulh zuam cio ding kha chim hnawh chih peng kan si. Reference: Daniel Andrews, 2020. “ Latest press conference: COVID 19 update in Victoria State.Siaherhnak he, ACCEM: Credit: ACCEM