LAIMI TAMPI UMNAK STATE AH SEHTAN NIH AN CHUAK AN HRO HNA

Mississipi cozah cu In God We Trust nan hmang lai lo tiah Setanic Temple nih an hro cang. Republican State tiah auh lengmang mi Mississipi ah hin Motor License plate ah In God We Trust timi catar tuah dingin aliamcia Nikum ah khan fehternak rak tuahmi asi. Asinain Pathian a zumlomi sehtan phoih pawl hna nih an duh hrimhrim lo.

Sehtan phoih pawl hna nih an duh lonak cu Mississipi cozah nih zeite hmanh ah an relpiak hna lo caah State flag zongah In God We Trust timi cattial langhter an timh tthan. Sehtan phoih pawl nih an timi cu State flag ah hi catial nan khanh a si ahcun taza kan cuai hna lai tiah thanhnak an tuah pin ah Mississipi Attorney General sin ah cakuat an ttial.

Hi cabia In God We Trust timi chiah nan timhmi nih hin pakhat le pakhat i pawnchuahnak asi. Hi state nih Pathian bia flag ah nan tar duh taktak a si ahcun Setan bia zong nan tar ve ding asi tiah an ti. Hi konghe pehtlaiin US ah hin zumlotu minung tampi an lut hna, buainak tete zong an tuah lengmang cang ti a si.

Black Lives Matter hna nih Boston Church ah a ummi Virgin Mary lem zong an khangh dih. Culawng siloin kum 249 a upa cangmi Los Angeles ah a ummi Catholic biak zong a kaang. Hi thil zong hi khangh hramhram mi a si ko lai tiah an ruah caah dottletnak an tuah cuahmah lio asi. Theihcia bangin US ah hin Party ngan pahnih an um i, Democrats le Republican an si.

Democrats lei hi Liberal an si i, Republican lei hi Conservative an si ve. Zumlotu pawl Atheist siseh Setanic, LGBT, Black Lives matther etc.. hna hi Obama chan in biatak tein alang mi an si. Hi chungah US tangka ah cuantermi IN GOD WE TRUST timi hi Atheist pawl nih an duh lo caah taza an rak cuai hna. Asinain biacaihzung nih an rak cohlang lo.

Tutan ah Sehtan party hna nih an timi cu Tangka lawngah siloin Motor license siseh hmun biapi ah IN GOD WE TRUST timi cakhanh tar dih hi phunghram kalh a si pin ah zumlotu hna soiselnak asi tiah an duhlonak an langhter. US ah state 20 ah hin License Plate ah IN GOD WE TRUST timi cakhanh hi tar dingah nawlnih a onh mi hna an si.

Sehtan nih tutan ah hrocernak bia achimmi Mississipi state hi aliamcia kum 1976 ah khan Presidential Cnadidate ah Democrats vote an rak pe hna lo. Cun aliamcia kum 2016 thimnak zongah Donald Trump nih hi state ah hin teinak a hmuh rih. Tutan thimnak zongah mah state ahhin cun Trump nih teinak a hmuh rih ko lai tiah an zumh.