LAIMI TAMPI UMNAK AN LUNGRE THEI CANG, DOTTLETNAK AN TUAH CUAHMAH

Khuaruahhar taktak asi ko. Kumkhat chungah fa 23 bakte angeih hna. Aci athattuk ruangah nawlngeitu hna nih dottletnak an tuah cuahmah lio asi. Hithil hi Laimi tampi umnak Australia ah acangmi asi. Cozah theihpinak tello hi a ci cu mikip sin ah apek tawn hna. Cu a pekmi cu kumkhat chungah fa 23 an ngei ti asi. Curuangah atubantuk in nawlngeitu hna nih dottletnak an tuah lio asi.

Laimi tampi umnak asimi Australia, Brisbane ah khua asami Alan Phan kum 40 cu nupi angeimi asi i, fa zong pahnih angei cangmi a si. Aci (sperm) hi midang sin ah apek tawn. Cu a pekmi ci cun kumkhat chungah fa 23 angeihnak kong cozah nih an theih. Aci akarh tuk caah state donor registers abuaipitu Victoria Assisted Reproductive Authority hna nih dottletnak an tuah nak hi asi.

Hi konghe pehtlaiin Sekhan tampi hna nih an chimning ahcun Mr Phan nih hin lenglei ah ci apek lengmang tiah an chim. Hi ruangah nawlpeknak lengin nauchuak an tamnak hi asi tiah an chim. Victoria phungning ahcun pa pakhat nih chungkhar member 10 tiang nau ngeihkhawh asi. Mr Phan zong nih voi 9 pin cu pek aa timhmi asi lo.

Sihmanhsehlaw nau angei kholomi tampi hna nih biatak tein nawlnak an tuah caah atubantukin apekmi hna hi asi tiah an chim. Cutikah nau angei kho lomi hna sin ah a ci apek lengmang hna i, hihi arian pakhat ah aruah cang. Cun atuahmi thil kongah hin amah nih aduh ruangah apekmi asi hrimhrim lo tiah an chim chih rih.

Hi konghe pehtlaiin a mah nih a chimmi cu keimah lawng hi Australia ram ah Vietnam minung chungin Ci apemi ka si ko. Miphun dang ka si ruangah siseh Ci ka pekmi hna an hlawhtlin ruangah an ka harhnak asang ko. Ka Ci hi nu sin ah Online Group pakhat Sperm Donation Australia timi hmangin ka pek tawn tiah a chim.

Hi thil hi cozah kalphung cun an tuah lo tiah a chim, Cun hi kongah pa tthenkhat nih an nahchuah ngaingai ti zong a chim. Tutan ah hibantuk in a ci thlah akarh arantuk caah, kumkhat chung lawngin fa 23 angeih manh hna caah victoria state nawlngeitu hna nih atuhi dottletnak an tuah cuahmah lio asi tiah an chim.ZNEWS

Be the first to comment

Leave a Reply

Your email address will not be published.


*