KUT BENG HNA USIH. MIN AUNG HLAING CU ANAU LE AN SERH LEIH CANG

Min Aung Hlaing cu athin hung bak ko lai hih. Kawlralkap minung 10 cu KNU hriamtlai sinah CDM an tuah. KNU hriamtlai lei in upa pakhat nih a chimnak ah Kawl ralkap minung 10 cu kan sin ah CDM an tuah tiah a chim. KNU hriamtlai upa pakhat a simi cu DVB nih nihin March 2,2021 ah interview an tuahnak ah mah bi a chim hi a si. Kawl ralkap le palik lei in kan sinah ralkap uknak duh lonak langhter in kan sin CDM a tuah mi cu kan cohlan peng ko hna.

Hriamnam ken lo zong tuah khawh a si i hriamnam ken zong in tuah khawh a si.Ralkap nih February 1,2021 in uknak an lak in a tu tiang ah Kawl ralkap 10 cu kan sinah CDM an tuah cang. Zei tik can poh ah lunglawm tein kan cohlan hna. An humhimnak ding siseh, an din ei le an thutdirnak konh zong ah tha tein kan zohkhenh hna” tiah KNU upa pakhat nih a chim.

Kawl ralkap le palik chung ahhin ralkap uknak a duh lomi tampi an um ve hna. Chun he zan he buainak a um tikah ralkap le palik an celh ve ti lo, an thaba tuk ve cang. CDM teinak kan hmuh deng cang ko hih. Lungthin khat lungrual tein CDM hi pehzulh in adih donghtiang tuah ko hna usih. Kan lung ai rual ahcun teinak kan hmuh hrimhrim ko lai. Cucaah hohmanh thachia lotein CDM hi pehzulh hna usih.

Min Aung Hlaing's election remarks violate law, says President's Office |  Page 2 | Myanmar NOW

Tuchun Thawngpang: Kalaymyo Palik Meithal Kahnak Ah Laipa pakhat Salai Joseph Thang hliamhma a pu. 2021 March 1: Nihin chun Kalaymyo mipi ralkap duhlonak langhter lamzawhnak ah Palik le ralkap nih mipi an kah hna caah Laipa pakhat a min Salai Joseph Thang tiah theihmi cu Palik nih a ke ah an kah i, hliam a pu tiah theih a si. Salai Joseph Thang (University kai lio Second Year Chemistry) hi Kalaymyo COTR Khrihfabu member a si i,

May be an image of one or more people and indoor

Aa hliamning hi a ke bor ah meithal kuan nih a khen i, a ke chung lei ah kuan cu aa țhekdarh caah atu hi Royal City Clinic ah tuamhlawm cuahmah a si tiah Kalaymyo COTR Khrihfabu an Pastor Rev. Lian Peng Thang nih Rawn Chin Post ah a chim.Kalaymyo lamzawhnak ah hliam a pumi hi minung 4 an si i, pakhat cu a paw ah hliam a si caah a zualhma ngaingai. Tear Gas a hamh sual i ambulance phurhmi hna he telh lo ahcun kuan in hliam a tongmi hna hi Kawl 3 le Laimi (Chin) 1 an si.

May be an image of one or more people, people standing and indoor

Credit: Rawn Chin Post.

Be the first to comment

Leave a Reply

Your email address will not be published.


*