KHUARUAH HAR TAKTAK IN THANTLANG AH THIL A TLAU

Thantlang khua ah hin inn lo ngei loin mi innhlang tampi kan um, cu lio ah vawlei acre 11 a tlau mi kong ah NLD kan pale biahal ka duh hna, tiah Thantlang Peng USDP in Amyotha Palai aa cuh ding mi Pu Siang Lian Hmung nih November 5 ah a chim. Sifak santlailo cu mi inntang ah innhlang khuasa mi tampi kan um.

Zeitik ah dah vawlei zapei kauh ka ngeih ve te lai tiin kan lungretheih lio ah Thantlang Biakinn Sang ah vawlei acre 11 a tlau. Hihi NLD kan pale pawl ta maw a si, asiloah an hawile Kawl pawl ta dah a si? Hi ka biahalnak hi kan pale nih ka let hna sehlaw kaa lawm ko hnga,” tiah Pu Siang Lian Hmung nih The Hakha Times ah a chim.

Hi kong ah Pu Siang Lian Hmung nih a chim rih mi cu, “Hakha vial ahcun kan miphun hawi hna innlo kha inn 130 renglo an hrawh fawn. Thantlang vial ah a tlau in a tlau mi hi NLD kan pale nih kan fianh hna sehlaw ka duh,” tiah The Hakha Times ah a chimchap.

2019 kum ah Chin Ramkulh Cozah nih Hakha Cawbuk Sang ah inn a rak theh mi cu, phungluutlo a si tiin an rak theh. Atu Thantlang vawlei kong hi a ruang hngalh loin a tlau mi a si i NLD kan pale kan fianh hna seh, tiah atu bantuk in Pu Siang Lian Hmung nih biahalnak a tuah hi a si. Credit: The Hakha Times