KHUAMI 7 AN THAH HNA PIN AH AN KHUA AN KHANGH RIH EE

Myiang Peng Kyauk Yit Khua Cu Ralhrang Nih An khangh, Khuami 7 An Thah Hna.Sagiaing ramthen Myiang peng (မြောင်မြို့နယ်) Kyauk Yit khua cu Spet 12, zaan 9:45 pm ah ralhrang nih a khuaningin mei in an khangh i khuami 7 an thah hna tiah theih a si. Khuami pakhat nih cun Kyauk Yit khua palek riahbuk ah umhmun an khuar.

Kyauk Yit le Ko Pin khua hi Martial Law an thanhmi a si. Khuami 7 an thah hna. Khuachung ah an um ko rih. Khua cu mei in an khangh, kan naih ngam lo” a chiim. Kyauk Yit khua ahhin Sept 8 thok in PDF le ralhrang kahdohnak a um i khuami tam deuh cu hmundang ah an zam tiah theih a si.

May be an image of fire and outdoors

Thawngpang dang: CDF/CNA Nih Lungler Army Camp An Lak. Ralbawi Pali Le Sibawi An Tlaihchih. Myanmar Ramchungah Ralkap Camp tha bikmi lakah No.2 asi mi Chin State, Thantlang Township chungum LUNGLER Khua Myanmar Army Outpost Camp cu September 10,2021 Zaan 8:00 Pm hrawngin CNA hruainak in CDF/ CNA Zahnaktlang Battalion Mi 150 hrawnghrang nih an tuk i ceilak tein an i kah nain Sagaing le Gangaw lei in Army Helicopter le Jet-figters lei nih an rak bawmh pinah Bomb tamtuk an phum caah an la kho zawk lo i, hnu an kir than nain Lungler khua cu an kulh dih.

Cu hnu’ah, CNA/CDF Ralkap 200-400 karlak hrawnghrang i chap tha’nin September 11,21 Zaan 7:45 Pm in biatak thlakin an kah than hna i Zaan Suimilam 9:30 hrawngah Lungler Army Camp cu CNA/CDF nih an lak i, Ralkap Camp Commander Captain, Second i/c tiamin Kawl Ralbaw(Officer)i Pali, Palik(Police Officer/SB) pakhat le Lungler Army Health Center i Doctor Pakhat hna le an nau le Ralkap an dihlakin-12 cu an tlaih hna i, ahnu ah CDM ah an lut cawlh i,hmun himnak ah an chiah cang hna tiah CDF hruaitu sinin thawng kan theih.

Hi Lungler Myanmar Army Outpost Camp an i kahnakah hin Kawl Ralkap lei Pa-12 an thi ti’ah CDF lei nih thawng an thanh i, CDF/CNA lei in Miphun Ralkap- 8 (Mindatmi-1)an i hliam i, thi le hlohnak belte hi caa kan tial lio tiang an um rih loh. Miphun Ralkap hna nih Camp chung an lak lio ah Lungler Ralkap Doctor Pa nih Ralbawi hna cu i Surrender dingin a chimh hna hnu ah tha tein an Ralthuam he an i pek(Up) dih i CDM ah an lut cawlh.

CDF/CNA nih Ralkap Ralthuam tam tak tak an lak piak hna hnu ah Army Camp cu an khangh piak dih hnu ah an tlaihmi hna cu himdam tein hmunhimnak ah an chiah cang hna tiah theih asi. CDF/CNA nih Lungler Ralkap Camp an lak dih hnu tlawmpal ah Ralkap helicopters nih a rak hlethlai peng ca’ah Lungler Mipi hna cu hmun himnak ah kal dingin an ti hna caah micheu cu Mizoram border khua pawl Thingsai, Cerhlun le Ngharchip lei ah an zaam hna i,

Ralzam Minung 400-600 hrawnghrang cu Mizoram ah himdam te’in an phan cang na’in Micheukhat cu Tio kam Ramtangah Bawkte khawh’in an um rih ti’ah theih asi. CDF/CNA hliamhma a tuarmi ca ah le Chimmi Ralzam pawl ca’ah kan umnak hmun cio in Pathian sinah thlacamnak in bawm cio hna usih. Chinram le Mizoram hmun tam pi ah Monday-Tuesday ah ruah asur pinah Thli -tu ahrang fawn lai ti’ah theih asi. Notes; CDF/CNA nih tulio an i kahnak thawngpang Official tein thanhnak Caapar an chuah hlan poh hi cu Thawngpang/Post/ Caa-chuah ti pawl ralring te’in um i zuam cio hna usih. Credit: MC Bik Lian

Be the first to comment

Leave a Reply

Your email address will not be published.


*