TWITTER CU TRUMP CUNGAH AN TUAH HLAN LAWNG AN NGAI KO CANG LAI HIH

Donald Trump ahuatu cu sungh zatlak puicimhnak nih aden cang hna. Donald Trump ruangah hi vialte an sunghmi vun tuak tikah Donald Trump hi dirkamh lo awk hrimhrim a ttha lo, an thiltuah mi hmanh an i ngaichih taktak cang lai. Donald Trump cu aphunphun in facebook siseh Twitter hna nih phihkharnak an tuah, Hi chungah Twitter le bang nih cun an tuh bangin an zun cang.

Donald Trump cu Twitter nih zungzal ca bak in phihkharnak an tuah mi asi cang. Trump phihkharnak an tuah nak in atutiang ah ninga te lawng asi rih. Sihmanhsehlaw Twitter cu an thiltuah mi ruangah a theipar an zun ve cang. An i ngai chih taktak ko cang lai. Zeicaah tiah Trump an phih hnu ah nikhat hnu ni khat in an miak ding tangka cu a ttum chuk chin lengmang cang.

No description available.

Twitter nih Donald Trump phihkharnak an tuah hnu ninga chungah acung lei langhter cang bantuk in Twitter cu sunghnak nganpi nih a zulh cang hna. US President Donald Trump cu Twitter nih phihkharnak an tuah ruangah Twitter cu ninga chung te lawngah US tangka in 5 billion an sung tiah report nih alanghter cang. Hi thil nih alanghter mi cu Trump hi mi bik asinak khi asawh duh.

Donald Trump serhsat phun in alamkip in adoh mi hna cu an mah lila mualpho le sunghnak nganpi nih atlunh hnawh hna timi hi tutan thil acangmi nih alanghter. Atu ning in sunghnak nganpi an hmuh tikah Twitter zong nih Donald Trump hi phihkharnak an tuahmi vialte an onh tthan te kho men. Aruang cu Trump an phihkhar ruangah sunghnak nganpi an tonmi an lung anuam lem lai lo.

Relchih:Democrats party hruaitu hna nih Vice President Mike Pence cu 25th Amendment timi phung hmang in President Donald Trump cu a rian phuah an forh. Asinain President Mike Pence le Republican hruaitu hna nih an duh lai zumh a um lo. 25th Amendment timi cu a tawinak in President nih a rian a tuan kho ti lo tin Vice President nih chan khawhnak phung a si.

FBI nih hlat-hlainak an tuahmi report an pekning ah 25th Amendment hmang in President Donald Trump an thlak sual ahcun ramchung ah meithal he sandahpiah nak a chuak lai tiah democrats hruaitu pawl cu ralrinnak an pek hna. US state 50 i an khualipi cio ah meithal he lamzawhhnak a chuah khawh caah 25th Amendment hman lo dingah ralrinnak an pek hna.President Donald Trump a dirkamhtu cheukhat nih meithlak he lamzawhnak tuah dingah timhlamnak an ngei men lai tiah an zumh.

FBI nih an chimnak ah January 17 in January 20 kar ah hin US state 50 in President Trump a dirkamhtu hna cu meithal he Washington D.C an phan kho tiah an chim. President Trump cu democrats pawl nih an control mi hluttaw, House ah impeachment tuah ding in an chuahpi cang. House nih an pass lai i Senate ah an kuat lai. Senate ah senator minung 100 an um. Republican le Democrats minung 50 veve an si.

Senator Cheu thum, cheu hnih hnatlaknak lawng in President cu phuah khawh a si. Cucaah democrats nih Senate an phak pi zongah President Trump an phuah khawhnak ding lam a um lo. Senate meting cu January 19 lawng i thawk ding a si caah President a dinh caan le Joe Biden Inauguration a tuah ding ni cu 21 a si. Cucaah Senate zong nih impeachment tuah caan an ngei hlei ti lo. Cucaah democrat nih ram an dawt ahcun buai lo tein an kalpi a hau. President Trump zong nih dai tein ka chuak lai tiah a ti cangmi a si. Credit: Salai Lairamthang

Be the first to comment

Leave a Reply

Your email address will not be published.


*