KHRIHFA MI CAAH THAWNGCHIA, COVID-19 CAAH HOME TEST SWAG A THA

Khrihfa Mi Caah Thawngchia.Nevada State I, Las Vegas khuapi cu US ah Sadom le kamawrah khua, Sin City ti zonga ah a minthang mi a si. Casino le nigh club phunphun an tuahnak khua a si. Nevada State cozah nih Casino le Night Club vialte cu 50% onnak nawl an pek hna nain khrihfa biakinn tu cu onnak nawl an pek duh hna lo caah Calvary Church nih state cozah cu taza a cuai i, Supreme court an phan.

Supreme Court nih ninga ni ah biachahnak an tuah I, Calvary church cu 4-5 in sunghnak an pek hna. Supreme Court Chief Justice John Robert nih Liberal lei ah thimfung a tlak caah atu bantuk in khrihfa hna nih sunghnak an hmuhm ia si. John Robert hi a sangbik biaceihtu a si caah thimfung a tluk ahcun amah nih biachahnak a tuah.

Conservative ngai a si nain nai hrawng cu liberal lei ah thimfung a thlak pah lengmang caah khirhfa pawl an lung an rawk ngaingai. President Donald Trump nih novemer thimnak ah teinak a co than ahcun Supreme court ah hmunhma pahnih a lawng kho. Mah a lawngmi ah Trump nih conservative judge a chiah khawh ahcun khirhfa hna nih teinak an co khawh peng cang lai.

Covid-19 Caah Home Test Swags A Tha:FDA nih cohlan cangmi Covid-19 zawtnak hrik mah le inn cio ah i testnak, home test swabs an tuahmi cu 100 ah 80%-90% a result a dik tiah University of Washington [ UW ] le Seattle Children’s Research Institute in Dr.Chu nih NBC news ah a phuan.

US cozah nih rammi minung million 50 renglo testnak an tuah khawh cang hna. Inn kip ah testnak an tuah thluahmah lio a si. Vawleicung ah US cu covid-19 testnak a tuah thawng bik an si. Test mi an tam caah, zawtnak zong atu nak in tha deuh in an control khawh cang lai ti a si. Credit: Salai Lairamthang