KHAH TULUK NIH THANHNAK ATUAH, HNANGAM DEUH SI CANG

Tuluk nih Europe ram caah phihkharnak atuah mi cu thlahdorh hram aa thok tthan cang. Theihcia le thanhcia lengmang cang bantukin tulio zawtnak ttihnung asimi Coronavirus zawtnak tlangraipi cu Tuluk ramchung in aa thok mi asi i, Hi zawtnak ruangah Tuluk nih ram tampi hna cu a ramchung luh lo dingin phihkharnak atuah hna.

Tuluk lawng siloin vawlei cung ram tampi hna nih an ram chungah luh lo dingin phihkharnak an tuah cio hna. Nikhat hnu nikhat in zawtnak dirhmun aram hoih in phihkharnak an tuahmi cu athlahdorh mi ram tampi an um cang. Hi konghe pehtlaiin tutan ah Tuluk Europe ramchung ah a ummi hna phihkharnak atuahmi cu thlahdorh dingin biachahnak a tuah.

Europe ram 36 chungah a ummi hna cu Tuluk ramchung ah luh lo dingin biachahnak atuahmi cu Tuluk nih ka thlahdorh cang lai tiah a thanh. Ramchung luh lo dingin phihkharnak Tuluk nih atuah hi zawtnak a chuah hnu aliamcia March thla khan asi. Ram tam deuh hna cu Tuluk luh lo dingin order arak chuah.

Culawng siloin Tuluk nih Visa a pek cangmi hna zong a rak cancel tthan rih. Sihmanhsehlaw atu ahcun thlahdorh asi cang lai tiah alanghter. Ahlei in European passport angeimi um khawhnak nawl angeimi hna nih Visa sawk khawh asi cang lai tiah alanghter. Asinain ramdang in Tuluk ah arak lutmi hna cu Ni 14 chung khumherh an si lai tiah alanghter chih.

Joe Biden le a vice president konglam relchih:US President zuamcawhnak ah alut dingmi Joe Biden nih a ttuanpi dingmi a thim cang. Ttuanpi dingin aa thimmi cu midang siloin Kamala Harris a si. US President thimnak ah Democrats party cadidate, Joe Biden nih thimnak ah ttuanpi hawi Joe Bide vice president candidate caah Asian-American, senator Kamala Harris cu a thim cang.

Joe Biden cu hmaizarh nikhat ni ah Democratic president candidate caah fehternak an tuah cang lai. Culawng siloin amah bawmtu dingah aa thimmi Kamala Harris zong fehternak an tuah chih lai tiah thawngzamhnak nih alanghter. Hmaizarh ah hin Democratic Convention tuah asi lai i, hi ni le caan ah fehternak hi an tuah lai.

Tutan ah Joe Biden nih aa thimmi Kamala Harris hi kum 55 minung a si. Amah hi aliamcia kum 2016 lio ah US Senator caah rak thimtlin mi asi. Kha lio caan ah minak chungin nu ah Senator a tlingmi pahnihnak a si. Joe Biden nih ttuanpi hawi ah a vun thimmi nih hin African American chungah attum chuk te men lai tiah an ruah.

Kamala Harris hringtu a nu hi India mi asi i, hringtu apa tuhi Jamaican asi. Cun Kamala Harris hi Univeristy of California in phunglam lei Law degree angah mi zong asi. Culawng siloin tukum president ca dingah Democrats candidate zongah a rak i tel vemi a si. Asinain chawva lei ah aharsat deuh caah president candidate aa timhmi vialte cu aa ngol tthan.

Hi konghe pehtlaiin in ahlan ah hin vice president candidate caah hin Nu pahnih lawng rak timhlamh asi. Aliamcia kum 2008 ah Republican party vice president candidate caah Sarah Palin rak timhlamh asi i kum 1984 zongah Democrats nih Geraldine Ferraro an rak timhlamh ve. Asinain an pahnih in teinak an rak hmu lo.

Be the first to comment

Leave a Reply

Your email address will not be published.


*