JOE BIDEN NIH TRUMP CU CEILAK IN ATTHUAT KO CANG HIH

Trump he aa phomh dingmi Joe Biden nih atimi cu Tutan thimnak ah ka tlin a si ahcun hawitthing a simi India he kan i pehtlaihnak hi ka tthawnter lai cucu ka cozah nih biapi ah a ruah hmasa dingmi zong a si lai tiah a chim. Ahman tein chim ahcun India nih hin khika hmun hrawng an buainak a himnak dingah hin dirkamhtu hawittha an harh i, hihi kan himnak ding asi tiah a chim.

Hi konghi India le US karlak pehtlaihnak kong biahalnak an tuahmi ah lehnak atuahmi hna asi. US le India hi hawikom ttha ngaimi an rak si tiah a chim chih. Hi hawikom ttha sinak hi hawihlei in pehtlaihnak angeimi asi i, cucu kan himnak ding caah abiapi taktak mi asi tiah a chim chih. Vicer President ka si lio ah khan kan cozah nih i faknak kong chim sisehlaw,

Congress nih a cohlang dingmi US le India Civil Nuclear Agreement zong ah khan atlamtlinnak dingah abiapi taktak kan rak tuah. Cucu a alianngan ngaimi remnak lam ah arak si tiah a chim chap. Joe Biden hi India le US karlak ah pehtlaihnak ttha a duh ngaingai mi asi tiah an chim. Thimnak konghe pehtlaiin a tanglei bangin a chim tthan.

Aralai mi thimnak ah hin rampi sining cu vote thlak tik lawngah a fiang ko lai. Tutan thimnak ding hi abiapi taktak mi a si i, hi ram nih hin atulio caan ah ram thlarau lei ah dohdalnak apah cuahmah lio asi tiah a chim rih. Trump le a cozah nih tulio zawtnak Coronavirus adohkhamning hi ningcang lo ngai asi tiah a soisel chih rih hna.

Ahram thok ah zawtnak kong tlaangzar asi zongah khan Trump nih zeite hmanh ah a rak rel lo. Curuangah rampi ngandamnak caah ralrinnak or timtuahnak arak ngei lo tikah hi zawtnak khamnak caah kan hlawh atling ti lo. Tutan lawng hi a hlawh tlin lo asi tilo. President attuan chung vialte ah a hlawh tling bal lo.Ram mipi chawva tiangin a hnursuan dih tiah a peh chap rih.

Atu ah kan ram nih hruaitu ttha aharh tuk tihi ka theih. Tuchun ah hin kan ram hi a hlan asinak nak in that deuh dingin kirpi nak caan ttha a vun phan cang. Cun H-1B Visa kongkau he pehtlaiin a timi cu thimnak ah ka tlin asi ahcun hi visa phihkhar mi hi ka let colh lai tiah a chim. Trump nih tukum chungah hi visa akhammi hi thimtlin ka si ahcun kei cu ka si ve lai lo tiah a peh chap.