JOE BIDEN NIH DONALD TRUMP NAWLNAK ATUAH CANG

Donald Trump cu Joe Biden nih nawlnak atuah ruangmang ko cang. Joe Biden cu thinphannak in akhat cang tinak asi. Trump zong athinphang ve ko lai. Congress Joint Session cu an thok cang, an tuah cuahmah lio ah Trump supporter minung thong tampi hna nih buainak an chuahter i, inn vialte cu an kulh dih. Buainak linsa pakhat khat achuak sual lai ti an phan caah meeting zong an ngol.

Hi buainak konghe pehtlaiin Joe Biden nih Donald Trump cu nawlnak atuah. Joe Biden nih atimi cu Donald Trump buainak atuahtu na mipi vialte hna hi deihter hna tiah nawlnak atuah. Hi nawlnak konghe siseh, mipi a funtommi kongah Donald Trump nih a chim vemi cu, thimnak kongah ningcang lo le, vote hman lo lih le hrokhrawl in thimnak asi timi an theih caah mipi vialte an thinhun ruangah asi tiah a chim.

Donald Trump nih cun amah a dirkamh tu le mipi a chuakmi hna cu lawi cio cang ulaw tiah mipi zong nawlnak atuah ve hna. Tutan US kong cu abuai ngaingai ko. Tuzan zongah hin an lim kho lai lo ti asi. State pakhat ah suimilam pahnih chung debate an tuah hna lai i, tuzan ah cun an dih kho lai lo tiah zumh asi. Tthenkhat nih cun tutan buainak hi Donald Trump nih vote a cohlan lo ruangah asi tiah an ti.

Salai Lairamthang: Washington D.C Capital Hill Ah Khuaci An Mui. Trump Supporter pawl nih fir chom in thimmi, President kan duh lo, election result a khupthal leh a herh” tiah Washington D.C khuachung ah dohaunak an tuah, President Donald Trump zong nih biachimnak a ngei. Biachimmnak a dih hnu ah lam an zawh i, US hluttaw palai pawl meting an tuahnak Capital innpi cu an va fuh i, minung an tam tuk caah Palek nih an kham khawh hna lo caah a chung tiang zong an va luh hnawh hna.

Thil hrawh, meikhangh le thil fir cu a um lo. Black Lives Matter pawl kha cu si hna sehlaw thil an hrawh lai, mei an duah lai i, thil an fir lai tiah ka ruah.Asinain Palek le supporter pawl an i phomhnak ah palek nih minung pakhat thi chuak laak in an kah ti a si. Capital hill ah meting a tuah liomi, Senator pawl le House Representative pawl cu an himnak dingah an chuahter dih hna ti a si.

Senate le House palai dihlak komh in Electoral College vote zohfelnak an tuah i, Arizona state result an zohfel lio ah Republican party nih an dohkalh caah meting chairman a tuahmi, Vice President nih meting a ngolter hna i Senate le House ah a dang tein debate an tuah. Mah debate an tuah lio ahcun Trump Supporter pawl nih an luh hnawh hna caah an meting zong an tuah kho ti lo.

Tuzan zan sumilam 6 leng chuah lo dingah Washington D.C khuabawi nih curfew a chuah caah zeidah an lawh lai chim awk a tha rih lo. Washington D.C khuapi cu Trump supporter pawl nih lam an zawh hnawh hna caah nawisen an hnuk i khuaci an muih saling a si. Credit: Salai Lairam Thang

Be the first to comment

Leave a Reply

Your email address will not be published.


*