JOE BIDEN BIACHIM CU AFAK BAK KO CANG, TRUMP A TTHUAT CANG

Joe Biden nih President Donald Trump fak ngaiin a tthuat. US thimnak ah teinak a hmuhlo mi ah a cohlan duh lomi hi ningzak ngaingai asi tiah a chim. Tutan US thimnak ah president dingah teinak a hmumi Joe Biden nih cun Foreign leader pawl hna cu a chawnh dih cang hna i, nawlngeihnak i pekchanh dingah dawnkhantu zeihmanh aum lo tiah a chim.

Hi lio caan ah Donald Trump nih cun thimnak ah teinak ka hmuh lai tiah a chim ve. State kip vialte result hi phungning tein phuan a si rih lo, vote zong pehzulh in an rel cuahmah lio asi i, a ralaimi December ni 14 ah Electoral College tonnak tik lawngah afiang te lai tiah ruah asi. Tutan konghe pehtlaiin Joe Biden nih zeitindah a chim?

President Trump nih teinak ahmuh lomi a cohlan lonak kong biahalnak an tuahmi ah Joe Biden nih alehmi hna cu asining taktak cun ningzak ngaingai thil asi tiah a chim. Adonghnak taktak January 20 ah teitu kan si ko lai tiah a chim pin ah President sinak pek asi lainak kong zong a chim chih. Cun Foreign leader hna hi tonnak zong kan ngei dih cang.

UK Minister Boris Johnson le Irish Taoseach Micheal Martin, Cun French President Emmanuel Macron siseh German Chancellor Angela Merkel hna zong chawnh biaknak ka ngeih dih cang i, America arak kir tthan timi kong ka chimh hna tiah a chim chih. Tuthimnak konghe pehtlaiin Donald Trump nih zeitindah a chim mi cu a si?

President Donald Trump nih cafang ngan lawngte in cabia attial. Atimi cu tamtuk in ballot relmi an karhter tiah achim pin ah teinak kan hmu lai tiah a chim rih. Biden nih hin thimnak ah electoral corruption hmang lawngin teinak a hmuh khawh tiah a chim. Asinain zeihmanh tehte alanghter chih lo. Mike Pomepo nih news conference ah phungning vote lawng rel ahcun a term hnihnak Trump asi lai tiah a chim ve.

Republican tampi hna nih Biden teinak hmuh hi an cohlang kho lo. Lawmhpi nak zong zeihmanh a um ttung lo tiah Wisconsin Senator Ron Johnson nih Biden kongkau a chim, Trump cu tei in a um rih lo tiah Missouri Senator Roy Blunt zong nih a chim ve. Pennsylvania ah thil sining hi phungning tein Trump nih cuainak dingah diknak angei tiah Senate republican leader Mitch McConnell nih a ti ve.

Be the first to comment

Leave a Reply

Your email address will not be published.


*