JOE BIDEN AN UAR NING ALUAN CANG, MITHI TIANGIN AN DIRKAMH

Tukum US thimnak kong cu a buai kho taktak khi asi ko cang. An buainak aruang bik cu Mail in vote an thlak ruangah asi. Mail vote thlaknak konghe pehtlaiin Donald Trump nih cun a rak duh bak lomi asi. Thil dik lo achuak khomi asi. Cucaah vote hi mail cun thlak si hlahseh tiah a rak chim lengmang. Asinain Democrats pawl nih cun a duh hrimhrim an duh lo.

Democrats pawl nih Mail in vote nan thlak lai tiah an timi hna hi an thluak asi lai tiah zumh asi. Mail in vote thlaknak kongah Democrats hna nih cun hitihin mipi an lemsoi hna. Tulio cu kan theihcio bangin zawtnak lak ah a ummi kan si caah asi khawh ahcun vote hi mail in nan thlak ah attha bik ko tiah an rak ti hna. Asinain Trump nih cun zawtnak hmangin an chim mi asi tiah arak ti cang hna.

Theihcio bangin atu hi US thimnak vote result kongah cun abuai taktak khi asi cang. Thatein vote thlaknak hmun ah a thlami chungah cun Donald Trump nih atei ngaingai. Sihmanhsehlaw khuaruahhar thil a simi cu mail in vote a thlami vialte hna hi Joe Biden vote lawngte asi tiah an chim. Donald Trump cu adirhmun akai hrimhrim akai kho tilo. Alungtling ve ti lo caah complaint tiangin state pahnih cu vote reltthan dingin ati hna.

Khuaruahhar taktak asi tthanmi cu Joe Biden vote mail in a pemi chungah hin a thi cang mi zong an i tel. Cubantuk thil cu vun tuak cio ko ulaw, tutan US president thimnak ah hin ningcang lo taktak asi timi aa fiang cang. Hi konghe pehtlaiin minung tampi nih thimnak kongah lih le hrokhrawl asi hrimhrim tiah vawleipi zong nih an ti cang. Mithi vote thlaknak konghe pehtlaiin Saya Lian Hre zong nih alanghter ve.

Atimi cu Mail in Vote peek hi cu a rak dik lo deuh hrim ko lai tiah ka zumh ve, Pathian trih lo minung nih cun zeipaoh an tuah duh ko, a thurhnawm tukmi Election a si ko, mak ko hi, thlan chung hna in an van vote ngai ko..Biden cu mithi tiang nih an rak duh i, vote thlakah an rak tho ta ko rua! Vulei? tiah alanghter.

Ahnubik sining: US President thimnak cu ho nih a tei tiah official ngaingain in an thanh kho rih lo. CNN nih Biden electoral vote 253 a hmuh i, Trump nih 213 a hmuh tiah a tial. Fox news nih cun Biden nih 264 a hmuh i, Trump nih 213 a hmuh tiah a tial ve. Trump nih Pennsylvenia, North Carolina, Georgia, Alaska a laak ahcun 268 a si lai.

Nevada hi atu lio ahcun a biapi ngaingai mi a si. Nevada ah Biden tlawmte in a thawng deuh. Biden nih Nevada a laak ahcun 270 bak te a ngah lai i, teinak a co lai. A ngah lo ahcun Trump nih tei khawh thiamthiam a si. President Trump nih cun hmun tampi ah Democrats pawl nih vote firnak le lih le hrokhrawlnak tampi an tuahmi hmuh khawh a si tiah a chim.

Phungning tein thlakmi thimfung in cun teinak kan hmuh khawh ko” a ti. “Thimfung relnak hmun ah thil dik lo tampi a um caah Supreme court biachahnak a hau te lai” tiah tu zanlei White House Press conference ah a chim. Senate thimnak ahcun atu ning in cun Republican nih 52 hmuh dawh an si i, Democrats nih 48 hmuh dawh an si caah Senate cu Republican party nih control dawh a si.

Senate ah hin thutdan 100 a um i, thutdan 51 a hmumi nih teinak an co lai. House thimnak ah Democrats pawl nih tei dawh a si nain an thutdan 8 cu Republican nih an laak piak cang hna. Atu tiang result a chuak cangmi ah Democrats nih thutdan 208 an ngah i, Republican nih thutdan 192 a ngah lio a si. Thutdan 218 a hmu khomi party nih house ah majority an si te lai. Credit: Salai Lairamthang.

Be the first to comment

Leave a Reply

Your email address will not be published.


*