ISIS RALHRANG LUTLAI AN SUNHSAK DEUH, FAKTUK TRUMP AN PHOMH

US President Donald Trump naupa Robert Trump a thihning kong ah thawngzamhtu hna nih an tining cu afak ko. IS ralhrang lutlai an thahmi nak zohchia in a konglam thawngpang an langhter. Minung hi ahopaoh an thih hnu ahcun an thatnak konglawng te chimphuan le zamh asi tawn.

Sihmanhsehlaw US President Donald Trump naupa Robert Trump cungah an timi cu lungfak ngaingai asi. Theihcio bangin President Donald Trump naupa Robert Trump cu a nunnak aliam. Tantak mi chungkhar hna ngeihchia le lileng in an um lio ah thawngzamhtu hna nih faktuk an phomh hna.

US President Donald Trump a huatu hna nih an timi cu President Donald Trump tu hi pei a thih deuh ding asi cu, amah a thi lo hi cu apoituk ee tiah biafakfak in an chim. Culawng siloin an ti tthan mi cu Pathian sin ah kan hal lomi tu lakpiak kan si i, thla kan cam tthan tikah cun amin dihlak in kan hal cang lai tiah an ti rih.

Hi konghe pehtlaiin Donald Trump dohdaltu Journalist tthen nih an timi cu Donald Trump nih hin Thihnak lak ah vancungmi hi zeizatdah a ti khawh hna hnga?, Trump hman lomi tu an rak lak ti tiangin Bio data ah an ttial. Culawng siloin an ttial rihmi cu Donald Trump naupa (Robert Trump) mah le unau fa zong tazacuai aduhmi Robert Trump cu kum 71 asi in a nunnak aliam tiah an thanh.

Asinain The Washington Post nih ISIS lutlai Abu Bakr al-Bagdhadi a thih lio ah khan an rak ttialmi cu Biaknak lei ah thiamsang le aa pumpe mi Abu Bakr al Baghdadi cu kum 48 asi in a thi tiah dawhtuk in an ttial. Ralhrang asi timi zong an ttial duh lo. Robert Trump hi Donald Trump he aa daw taktak mi an si.

Anunnak aliammi Robert Trump nih hin an U fanu Mary Trump timi cu tazacuai a rak cuai. Robert Trump nih taza arak cuainak aruang bik cu cauk hmangin Donald Trump thangchiat atimh. Cu cauk cu chuahter a duh lo caah Robert Trump nih taza arak cuaimi asi. The Washington Post nih an huatnak cu mah ruangah hin asi tiah an chim.

Be the first to comment

Leave a Reply

Your email address will not be published.


*