INN RAANGPI ALUH BAK IN ZEIDAH A CANG LAI? FIANG KO IN APHUAN

Fiangpup in thanhnak Iran nih an tuah ve cang. US president thimmi Joe Biden nih phihkharnak alak dih asi ahcun Nuclear hriamnam hnatlaknak tuahmi ah kan kir tthan lai tiah Iran nih an chim. Joe Biden nih Iran cungah diplomacy kalpi dingin biakamnak a rak tuah, Asinain Donald Trump nih cun Tehran nuclear deal hi Iran ca lawngah atthami asi tiah arak chuahtak pin ah dantatnak atuah chih.

Hi konghe pehtlaiin Foreign Minister Mohammad Javad Zarif nih atimi cu US nih Iran phihkhar dantatnak atuahmi hi Joe Biden nih ahrawh dih asi ahcun Iran cu i chang len loin nuclear hnatlaknak tuahmi a um tthan ko lai tiah a chim. Joe Biden hi kum 30 renglo aa thei cang mi kan si i, White House aa thial bak in order pathum a chuah lai.

Biden cozah nih phihkhar dantatnak ahawh asi ahcun Iran cu Nuclear hnatlaknak ning in akal tthan ko lai tiah a chim. White House aluh bak in order achuah a chuah lai i, phihkharnak hna cu a hrawh hna lai tiah a cunglei upa nih a chim chih. Donald Trump cozah hi control khawh lomi an si tiah Iran President Hassan Rouhani nih ati ve.

Joe Biden cozah nih cun a liamcia kum 2015 ah rak tuahmi Iran Nuclear deal atthatukmi kha a tuah tthan lai tiah a chim. Iran nuclear deal rak tuah lio ah hin US president cu Barack Obama a si i, vice president ah atu Joe Biden hi a rak si. An mah pahnih chan ah rak tuahmi asi. Aliamcia hnatlaknak an tuah lio ah Iran cu vawleipi nih phihkharnak arak tuahmi ngol asi.

Pathian nih vision a pek mi kong:Tutan thilcang cu khuaruahhar taktak asi ko, Pathian nih US thimnak vote result konghe pehtlaiin a zanmang ah hmuhsaknak atuah mi asi. Hihi tulio ahcun alar taktak mi ah a cang. Pathian nih India nu pakhat a simi Shruthika Priscilla cu a zanmang ah hmuhsaknak vission pakhat a pek. Cu thil a hmuhsak mi cu vawlei cung hruaitu timi cauk pakhat a hmuhsak.

Cu cauk ah a chung cabia an vun zoh tikah cun Donald Trump timi min a hung lang. Hi konghe pehtlaiin a voikhatnak bik ah a rak hmuhmi cu aliamcia Octorber ni riat ah khan asi. Cutik ah tulio US thimnak konghe pehtlaiin hi thil hi aa pehtlai ko tiah an ruah. Tutan US thimnak zong ah hin buainak a um ko lai nain Donald Trump nih pehzulh in hruaitu sinak atlaih ko lai tihi a zumh.

Hi konghe pehtlai in amah nih a chimmi cu keimah cu US ramkheel konglam atheimi zong ka si lo. Culawng siloin Donald Trump a sining siseh US ram sining a umtu ning vialte zong hi ka ruah balmi asi lo. Sihmanh sehlaw ruah lopi in Pathian nih US thimnak kong vision a ka pek ve, Pathian nih hin aliamcia caan zong ah hmuhsaknak aka pek tawn ko nain atutan hi cu abiapi ngaingai mi aka hmuhsak tiah a chim.

Tutan ah a hmuhsakmi hi zeidah asi hnga tiah lungrethei ngaiin a mah zong a um ve ti asi, Cutikah Donald Trump hi president asi tthan ko lai. Aruang cu Pathian nih ka thimmi a si tiah hmuhsaknak aka pekmi chungin ka vun theih i, Trump ca zongah thlacamnak ka ngei tiah a chim. Sihmanhsehlaw tutan ah thawngzamhnak kip nih an vun langhter mi ahcun Joe Biden nih atei timi hi asi.

Pathian nih vision athar aka pek tthan. Pathian salttha asimi hna le Vancung mi hna nih Dpnald Trump hi an dirpi cang. Cucaah Donald Trump hi teinak ahmu dingmi cu asi. Hi konghi minung tampi a video hi share an tuah cangmi asi. Sihmanhsehlaw tthenkhat nih cun an zum kho lo. Nain tthenkhat cun a zummi an um ve.

Be the first to comment

Leave a Reply

Your email address will not be published.


*