INDIA NIH KAWLRAM BUAINAK KONGAH A LUNGPUT A CHIM CANG

India nih kawlram buainak kongah a lungput a chim. Kawlralkap cozah cungah dantatnak tuah ti bantuk hi a harh in kan thei lo tiah India nih a chim. Hi konghe pehtlaiin India ramdang palai pakhat a simi Sanjay Verma nih a chimmi cu kawlram buainak ah daihnak a um khawhnak dingah ralkap cozah zong kan chawnh hna. Cun ralkap cozah a dohkalhtu cozah zong kan chawnh rih hna. Ralkap zong buainak ruangah tlaihmi vialte thlah dih dingin kan ti hna.

Kawlram buainak ruangah pakhat le pakhat remnak a um khawhnak dingah hin kan i zuam ko. Hremnak or dantatnak tibantuk pek hi a herh in kan thei lo tiah a chim. Tutan UN nih kawlralkap cozah sin ah hriamnam zuar lo dingin hnathlaknak an tuah. Hi meeting ah India cu khoika lei hmanh ah vote an thla lo. Aruang cu rianrang in biachahnak tuah le dantatnak pek hi a herh an ti lo caah a si.

India hi kawlram buainak ruangah an sining theih khawh an si lo. Acaan ah NUG cozah a dirpi mi an lo i, a caan ah ralhrang kawlralkap cozah a dirpi mi kho khi an lo fawn. Tutan zongah Ralhrang kawlralkap cozah le ralhrang kawlralkap a dohkalhtu NUG cozah lei zong kan chawnh hna an ti hoi. Khoika lei ah dah india hi a dir timi theih asi lo.

Indo-Pacific is the new currency, says Indian envoy to Japan Sanjay Verma,  backs Toyo Olympics

Thawngpang dang: Ralhrang kawlralkap nih hringtu apa an hlen. June 19 ah ralhrang kawlralkap hna nih an tlaihmi kum 15 mino cu nizan ah a thi cang tiah ralhrang lei nih chungkhar hna sin ah thanhnak an tuah. Asinain ruak lak an vakal tikah cun a thi rih lo tiah an rak ti tthan hna. Hi konghe pehtlaiin Kyaw Min Khanh Maung ap nih a chimmi cu June 20 chun suimilam pakhat hrawngah ralkap lei minung kan inn ah a rak ra.

Asinain inn ah ka rak um lo i, Kyaw Min Khant Maung a thi tiah a rak chimh hna i, a ruak rak la hna seh tiah a rak chimh hna. Inn ka lawi hnu ah an ka chimh i, ruak lak dingin ka va kal. Ka fapa ruak lak dingin palek sakhan ah ka kal hmasa i, bia ka va hal tik hna ah minung pakhat nih na fapa cu a thi rih lo. Ralkap checknak ah a um lio a si tiah a ka ti.

Kalaymyo ah ralkap chechnak hi hmun thum i, khoika deuh ahdah ka fapa cu an chiah tiah ka hal nain a ka chim duh lo. Adam maw zeitindah a um khoika dah an chiah timi zong zeihmanh a ka chim lo tiah a chim. Mg Kyaw Min Khanh Maung a thih lo taktak a si ahcun ralhrang pawl nih thlah hna seh, a ruang um loin an tlaih a si i, a kum zong a tling lo mi a si fawn.

Ruah ding pakhat a ummi tucu ralhrang pawl nih an minchiat ttihphan ruangah asi kho. June 19 zan tthiamthiam ah Kalaymyo ah chungkhar minung pali hna zong ralhrang kawlralkap nih an thah hna. Cu ah mawhphurh tu dingah Kyaw Min Khanh Maung hi hramhram in an tuahter khawh mi a si tiah khuami pakhat nih a chim.

Hi konghe pehtlaiin a liamcia may 24 ah ralhrang kawlralkap hna nih Cycle siammi pakhat zong an rak tlaih i, sianginn pawng bomb puahtu ah an rak puh, a zan lila ah an tuk an velh i an thah colh. Tuzong Kyaw Min Khant Maung hi a dirhmun zeihmanh theih a si lo. Ralhrang bia hi zumh ding a um lo. A umnak hmun zong an chim duh fawn lo. Cun June 19 zan an tlaihmi pathum hna zong covid lunghrinh in thilrim an theih lo caah an thlah hna tiah theih a si.

Be the first to comment

Leave a Reply

Your email address will not be published.


*