I CEI TAKTAK HNA SEH, RALHRANG THAAZAANG AN CHAH PIAK HNA

TOTAL Le Chevron Nih Ralhrang Kawlralkap Company MOGE Sinah Covo (Share) An Pekmi An Phih Cang. Moattama Gas Transportation Company Limited (MGTC) ah rian a tuan cuahmahmi ramdang company pahnih TOTAL le Chevron nih cun ralhrang company Myanmar Oil and Gas Enterprise (MOGE) ah covo (share) an pekmi kan phih cang tiah May 26 a an phuan.

Military moves into Yangon as anti-coup protesters flood streets | The  Japan Times

Atu bantukin TOTAL le Chevron nih ralhrang covo an phihnak a ruang cu nawlngeihnak an lak i mipi cungah thatlonak tam tuk an tuah caah a si. Moattama Gas Transportation Company Limited (MGTC) ah ralhrang company MOGE nih covo (share) 15% a ngeihmi cu a hmu ti lai lo. Hi covo phih piaknak hi a liamciami April 1 khan rel a si lai. Moattama Gas Transportation Company Limited (MGTC) ahhin TOTAL nih 31.24%, Chevron nih 28.26%, PTTEP nih 25.5% le MOGE nih 15% tiin covo (share) an ngei cio hna.

Myanmar coup: What will the military do now?

Moattama Gas Transportation Company Limited (MGTC) i covo an ngeihmi hi ralhrang nih tangka an hmuhnak nganpi pakhat a si caah atu bantukin TOTAL le Chevron nih an phihmi nih ralhrang hna cawlcanghnak tampi a kham khawh lai.TOTAL nih cun Myanmar ralhrang hna cung i EU le US cozah nih dantatnak le phihkharnak an tuahmi poah cu kan zulh dih lai tiah an thanh chap. TCP

Myanmar coup leader: 'Join hands' with army for democracy

Mindat Ah Ralhrang Hmanhmi Bomb An I Lamh Sual I Mino Pahnih An Thi. Mindat peng Bukun khua kahdohnak in hnu a tolhmi ralhrang hna nih an hmanhmi bomb an i lamh sual caah CDF-Mindat chungtel mino pahnih an thi tiah theih a si.Ralhrang hna nih khan bomb an hmanh ta hnuah hnu an tolhmi a si.

Ralhrang hna cu pathum pali tibantukin a pikpak tein an ra lai an kan kah sual lai ti an phang i an ngiatthlai hna nak ah atu bantukin bomb an i lamh hi a si” tiah CDF-Mindat hruaitu pakhat nih a chim. A thimi hi Tam Ling le David an si. An hawipa Tam Hung zong fak ngai in hliam a tuar tiah theih a si. (Than Lwin khet)

Be the first to comment

Leave a Reply

Your email address will not be published.


*