I CEI SEH, MIN AUNG HLAING CU, RAM MIPI LEI AH A DIR CANG

US Palai, UN Special Envoy to Myanmar a simi Christine Schraner Burgener nih nihin ah Kawlram mipi dihlak dirkamhnak bia a chim nolh cang. Nihin a biachim mi ah Min Aung Hliang faak ngai in sualphawtnak a tuah i Kawl ram mipi nih hriam an tlaih zong nih Min Aung Hliang a lungngan tuk ruang ah a si tiah a langhter. Nihin a biachim mi ah PDF, CDF ti bantuk minfang keh in cun a langhter lo,

A si nain Kawlram mipi, mino hna nih hriamnam i lak in an doh ve lo ahcun an caah lamdang thim ding a um ti lo biafang a hman ruang ah, PDF, CDF le Tlangcung hriamtlai hna nih an doh mi hi Min Aung Hliang ruang ah a si ti bantuk asi cang i CDF, PDF le NUG thawngthanh nak a dirkamh ti nak asi. Min Aung Hliang hruaimi SAC cu biaruahnak in daihnak lam kawl ding tiah voi tampi forhfial le nawlpat lengmang a si ko nain a duh lo.

Biaruah in rampi daihnak lam kawl a duh lo caah Hriamnam tlaih ve lo ahcun Myanmar mipi caah thim ding lam a um ti lo” tiah a langhter hi asi. NUG Cozah nih D-Day a thanh mi siseh, Mino tampi nih hriamnam an tlaih mi hi an caah hi hlei thim ding lam a um ti lo caah a si tiah a chim duhnak cu asi. Hi ka zawn ah a fiang ngai mi cu “Kawlram daihnak caah biaruahnak in siseh tiah voi tampi chimh le nawl a si ko. A si nain cu biaruahnak lam cu Min Aung Hliang nih a cohlang kho lo.

SAC nih daihnak lam in buainak phisin an duh lo timi cu fiang tein a lang. Cu caah hriamtlaih in doh dah ti lo cu lam a um ti lo. Cu caah Myanmar mipi, mino vialte hna zong an caah thim ding lam a um ti lo caah kan mah lei zong nih kan thloh khawh ti hna lo hi asi. Min Aung Hliang dirhmun le khuaruahnak kong, Myanmar mipi caah hriamtlai in dothlenak tuah lo ahcun lam dang a um ti lomi ka hmuh tikah ka lung a nuam hrim lo” tiah langhter hi asi.

Thawngpang dang. CDF-Kanpelet le Ralhrang karlak raldohnak ah ralhrang lei in a tlawmbik (10) an thih lawng si loin hriam a tuar mi an tam taktak tiah theih asi. Hi kong he pehtlai in Chinland Defense Force Headquater nih a taang lei bantuk hin thawngthanhnak le mipi sin ah fianternak a hun tuah ve. September 14, 2021 zinglei suimilam 10:00am hrawng in Kanpelet le Saw karlak ah CDF-Kanpelet le Ralhrang karlak kahnak a chuak.

September 14 kahnak ah Ralhrang lei in minung (10) an thi i a dang tampi hliam an tuar. Ralhrang lei cu faak ngai in an sungh caah hriamnam ngan heh an puah chih. A si nain nihin raldohnak ah CDF-Kanpelet lei in hliamtuar le a thi mi kan um lo. Raldohnak hi thaizing lei zong a zual chin kho mi a si caah Kanpelet le Saw karlak chawhvah le khual tlawn lo ding in mipi lei zong i zuam hna usih tiah an langhter hi asi.Kanpelet le Saw karlak raldohnak ah ralkap lei nih hriamnam ngan, Bomb le RPG ti bantuk an hman, khuachung lei zong ah an rak kah len tiah khuami lei nih an chim ve. Pathian nih CDF dihlak teinak pe zungzal hram hna seh.

Be the first to comment

Leave a Reply

Your email address will not be published.


*