HOUSE SPEAKER NANCY PELOSI NIH THEIHTERNAK A TUAH CANG HNA HIH

Tuchun ah House Speaker Nancy Pelosi nih theihternak atuah cang hna. House Member Democrats hna cu President thim khawh dingin timhlamhnak ngei cang uh tiah theihternak a tuah hna. Tutan ah hibantuk in theihternak atuahnak hna a ruang cu teinak ahmu ding hi theih an har ngai caah Electoral College Vote 270 ahmu mi hi teinak ahmu ding mi an si.

Curuangah vote 270 veve an hmuh asi ahcun postal ballots kong buainak maw asiloah vote reltthan siseh legal challenge a um sual kho mi asi i, hi zong in teinak a um ding an um lo asi ahcun phunghram bangin Vote tam deuh a hmumi chungah PRESIDENT siseh VICE PRESIDENT le adang anmah azuamcawhtu hna chungin House of Representative member hna nih president asi dingmi cu an thim hna lai caah atu bangin timhlamhnak ngei uh ati hna nak hi asi.

Biden Campaign Team hna cu thatein cozah thlenkhawh asinak dingah White House he remnak zong an tuah cang tiah an chim. Hihi aliamcia kum 2016 zongah Hillary Clinton Campaign Team hna zong nih an rak tuah cangmi asi tiah an chim. Cun tutan ah Trump le Biden Campaign Team hna cu timhlamhnak thatein an ngei cang hna. Vote a fian lo ahcun Supreme Court ah chimrel dingin Sihni zong an i thim cang hna ti asi.

Tutan thimnak konghe pehtlaiin Donald Trump hi thimnak ah teinak hmuh lo asi ahcun thatein nawlngeinak cu Biden sin ah a pek lai maw, White House in a chuak hnga maw timi hi theih asi lo. Thenkhat nih an timi cu tutan ah tluangtlam tein thimnak a um lem lai lo tiah an zumh nain a caan nih a chim te ko lai cu tiah an langhter.

Hi konghe pehtlaiin a liamcia Hillary Clinton he an rak i zuam lio ah khan teinak hmu hlah law na cohlang lai maw tiah an rak hal nain Trump nih fiangfai in lehnak atuah hna lo ti asi. Asinain Republican hruaitu le Senate i, Republican hruaitu asi mi hna cun mipi khuakhan lairelnak ram kan si i, Democracy asi bangin thatein nawlngeihnak pek cu a um ko lai tiah an ti ve.

Be the first to comment

Leave a Reply

Your email address will not be published.


*