HOUSE SPEAKER NANCY PELOSI CAAH THINPHANG NGAI SI CANG

Tuchun ah US house ( Pyitu hluttaw ) ah thimthar mi palai pawl, house Representative pawl biakamnak an tuah cang lai. House Speaker Nancy Pelosi hi a dirhmun a tha lo ti asi. Tu zanlei suimilam 5:30 PM hrawngah Speaker an thimmi result chuah dawh a si. House ah hin palai 432 an um i, House Speaker hmuh duh ahcun vote 217 hmuh a hau. Pandemic ruangah palai pawl an tlin lo ahcun Nancy Pelosi tlin than dingah a har lai an ti.

Asinain democrats tam deuh nih cun Pelosi dah ti lo, thim ding dang hlei kan ngei lo an ti. Republican party nih Minority leader McCarthy cu House Speaker caah nominate an tuah ve nain a tlin lai zumh a si lo. Zeicatiah House ah hin Republican palai, 210 le Democrats 222 an um. House timi Pyithu hluttaw hi democrats pawl an thawnnak hluttaw a si.

Relchih:Mandatory school vaccinations’ and ‘vaccine passports’. Joe Biden US President i an fehter khawh i, President a si ahcun US top infectious disease expert Dr.Anthony Fauci nih sianginn kaimi poah Covid-19 khamhnak sii Vaccine i chunh dih ding le ramdang i khual a tlawngmi zong nih vaccine i chunh dih hrimhrim ding in Joe Biden cozah sin ah ka chuahpi lai tiah a chim. Sianginn hi state level, County level le City level ti in a um. Cun private nih tuahmi le khrihfa le bu nih tuahmi sianginn a um caah Mandatory cu anmah le an level cio nih an tuah lai tiah a chim.

Asinain Federal level nih an tuah khawhmi mandatory cu Biden cozah ah ka chuahpi lai i, anmah nih biachahnak cu an tuah te lai tiah nizan ah a chim. Cucaah Joe Biden an fehter ahcun sianginn kaimi poah vaccine ichunh le khualtlawng mi poah vaccine i chunh hauh dawh a si.Anthony Fauci cu Biden nih cozah thar a ser khawh ahcun Coronavirus task force i itel than dingah a sawm i a cohlan cangmi a si. Fauci hi democrats attanh ziartu a si lai tiah an zumh, zeicatiah a biachim mi tete le vaccine tuan i chuah duh lo i le i atelmi zoh tik ah democrats a si lai tiah an zumhmi a si. Black Lives Matter lam zawh lio ahcun zeihmanh a rak chim duh lo. Asinain Trump campaign tu ahcun zawtnak an i chonh lai tiah a chim.Credit: Salai Lairamthang.

Democrats an i ruahning:Donald Trump party hna azuamcawhtu Democrats hna nih cun January ni 6 ah Joe Biden cu teinak ahmumi asi ko tiah fehternak an tuah ko lai tiah an i ruahchan. Democrats hna nih hin vote 306 ahmuh cang caah atlingcia as ko. Congress ah fehternak tuah asi ko lai tiah an ti. Hi bia an chim khawhnak aruang cu atanglei hi asi. Electoral Count Act of 1887 phunglam ning in asi.Hi phunglam ahcun Senate le House tonnak ah Chairman nih state kip in electoral vote alutmi vialte hna cu pakhat hnu pakhat in azoh lai i, mipi hmai ah amah bawmtu hna he an rel lai. Cuticun tutan Joe Biden atlinnak cu fehternak an tuah dingmi khi asi. Sihmanhsehlaw tutan cu thil acunglei bangin akal kho ding asi tilo.Aruang cu state paruk ah thimnak konghe pehtlaiin buainak a chuah ruangah asi.

Mah state paruk ah i thimning cang vote result kongah buainak aum timi cu theih dih asi. Hi state buainak anmah le state legislature hna cohlannak tel loin governor le secretary of state hna nih anmah ruahnak hmangin certify an tuah caah tutan ah hin fawite cun Biden hi atling lai lo ti asi.Donald Trump dirkamhtu Republican senator le House chungtel zeimawzat nih mah state paruk chungin Biden teinak ahmu timi hi an cohlang kho lo, an timi cu kan theih lai cu, thimnak ni tiangah Trump nih ateituk mi asi.

Sihmanhsehlaw vote reltu hna nih phunglam kalh in lih le hrokhrawl hmangin Biden an tlinter tthan. Cucaah January 6 zongah Biden vote hi an cohlang lai lo ti asi.Buainak achuah tikah phunglam ningin suimilam pahnih chung ceihkhannak an ngei lai. Asinain hitikah Biden tlin khawhnak dingah nawlngeihnak an ngei lo ti asi. Biachim holhrelthiam nih lai arel lai lo, Vote an lak lai an ti ko, nain phunghram nih Biden atling timi a chim lo, Congress ah hin cun phunglam kalh cun khua an khang lai lo tihi zumh asi cang. Zeidah achuak te lai. PCBS

Be the first to comment

Leave a Reply

Your email address will not be published.


*