GOOD NEWS : MAH TI NING HIN CUN RUAHCHANNAK A TAM NGAI CANG.

United Kingdom Myanmar Embassy in Ralkap nih an Pawnchuahmi Ambassador cu CRPH he Kuhsih in rian a tuan lai. England ram, London khua i Myanmar Embassy in Myanmar ralkap misa pawl nih an pawnchuahmi Ambassador U Kyaw Swa Min cu CRPH he kutsih in rian a ttuan lai, tiah UK khuasa Myanmar rammi hna nih nihin ah cathanh an chuah.

Myanmar ralkap nih UK Myanmar Embassy ttuanvo latu ding ah anmah misa a simi Dr. Chit Win rian an khinh.Dr. Chit Win le a minung pawl nih cacawn nithum ni ah UK Myanmar Embassy nawlngeihnak an chuh i Ambassador U Kyaw Swa Min cu Embassy chung ah luhnak nawl an pe ti lo.

Myanmar ralkap nih UK Myanmar Embassy ah Ambassador thar rian an khinhnak kong zong UK ramleng vuanci sin ah thawngthanhnak ca an pek.UK ramleng vuanci tu nih cun, “Myanmar cozah biachah ning in kan tawlrel ko lai,” tiah a langhter.

Credit: The Chin Journal

RELCHAP : Kawl Ralkap An Cawlcangh Daan Hi Ttih Anung Chin Lengmang Ko.Kawlram cu a buaituk cang bantuk in ralhrang ukhruai duhlo lamzawhnak cu pehzulh in tuah peng asi. Mah cu ticun anmah ralhrang ukhruai duhlonak langhter tu hna cu tlaih an timh hna i, an min cazin he an tarlangh. A sinain hmun dangdang i an rak tlizam manh hna nain cheukhat tu cu an tlaih manh ve hna tiah theih a si.

Fresh protests in Myanmar after junta cuts off internet, deploys tanks

Mah ruangah kawl ralhrang pawl nihcun inn khat hnu innkhat ah lut in an check hna tiah theih asi. March 23 zanlei suimilam 3 hrawngah Mandalay, Manlay Aung Bay vengchung ah ralhrang tamtuk an lut i, inn kip an check hna. Hngakchia kum 7 mi Khin Myo Chit te inn chungah an va lut i, inn ka hong dih u an ti hna.

Cu ticun inn chungah a ummi an dihlak cun hmunkhat ah rak thu dih u tiah an fial hna i, an ttih tuk ah thirphang lengmang in an um. Hngakchia kum 7 mi Khin Myo Chit nih ralhrang pawl cu a ttih tuk hna i, a thir bak in a thir ruangah a pa ttang cungah a vai beek. Kawl ralhrang pawl nih an inn chung dihlak an check dih i, zeihmanh an hmu loh.

Ralhrang pakhat nih inn chungkhar pabik sinah lih na chim. Inn chungah a ummi nan dihlak in rak chuak u kan ti lo maw a ti i, meithal in a ka hi, a ttang chung teah ai beek ko mi a fanu kum 7 mi cu a kah. A u nu Ma Aye Nyein San nih a chim ning ahcun ralhrang pa i a mit cu a sen dih i, khuachia mit bak asi ko. Theiko bu te bak in ka nau kum 7 mi cu an kahthah ko tiah mitthli tlathluahmah bu in a chim.

Ma Aye Nyein San zong meithal kuang in an suk i, hliam faak tuk a tuar. Hngakchia kum 7 mi an kahthah hnu ah a upa kum 19 mi Kyaw Naing Lin cu faak tuk in an vuak i a lu zong a kuai. A lu kuai bu cun ralhrang pawl nihcun an kalpi chih thiamthiam. Na fapa pawngah ra law an tin ain a tlizam kho hramhram i a fanu kum 7 mi te cu siizungah ruahchannak lianpi he a kal pi nain lampi an kal lio ah a fanu te cu a hliam tuar kho ti lo in a nunnak a liam. Unau 8 an s ii an kahthah mi Khin Myo Chit cu hngakchia bik asi.

Be the first to comment

Leave a Reply

Your email address will not be published.


*