DONALD TRUMP ZUAMNAK CU KHUARUAHHAR PEI ARAK SI KO HIH

Drug Test tuahti dingin Trump nih Biden a Zuam. Hmai thla i avoikhatnak debate an tuahti te ding ni le caan a phaak hlan ah drug test tuahti dingin Trump nih Biden a zuam. Democratic TV debates i ruahlo pi i Biden thancho lei a panh cu Trump nih a theih caah a tu bantukin Washington Examiner sinah a chim hi a si.Kei cu drug test tuah kongah cun ka zei a poi lo, tiin chim dah ti lo in cun Biden a ngandamnak test tuah kongah Trump nih tehte langhter ding a ngei lem lo.

November 3 Election hlan ah Trump le Biden hi hmaitonh tein debate voithum khengte an ngei hmasa te lai. Hillary Clinton hi a biachim ai ningcang ruam lo. Cucaah LIVE TV in hmaitonh biachimnak kan tuah hlan ah a drug test tuah ta ah a tha, tiin 2016 lio ah khan Trump nih a rak ti bal. Asinain, Clinton lei minung pawl nih Trump i a zuamchahnak cu an hnonpiak.Biden nih a nehnungbik debate a tuah lio zoh tikah a biachim kamphawh ah thancho a panh ngaingai, tiin Trump nih a chim. A ngaingai ti ah cun, Biden hi US vice-president a si lio ah khan voi 11 chung LIVE TV in debates a tuah bal i, biachim kamphawh a thiam lo ngaimi a si.

Asinain, March 15 hrawnghrang i debate a tuah lio ah khan Biden le Vermont Senator Bernie Sanders hi an biaka a thaw ngaingai cang ai.Biden hi cuhlan debate a tuah mi vialte ah khan cun biamchim kamphawh a thiam lo ngaimi a si ko nain, tutan i ruahpak lo pi i Bernie zong lonh kho ding tiangtiang i a biachim a tluan hi cu a ruah awk ka thei bak lo. Cuhlan tham ah cun Biden hi Winston Churchill bantuk minung a si ve lo caah, a biachim pawl hi i hmu hruai an si.

Ruah lo piin thil ai thleng phung a si lo, ti cu nan theih kan theih cio a si. Cucaah, drug test tuah dingin kar kan hlan a hau. A tu bantuk in cun kan zohsawh awk a si lo, tiin Trump nih a chim. Election hmuh dingin kan i zuam hi gladiator (Rom chan lio i thahnak lente ai celhmi) bantuk in ai zuammi kan si. Kan thluak le kan hmurka kan hman le si ko. Cun kan pum hrimhrim hi a dir awk a si.

Keinih cun US mipi vialte hi dir dih ve hna seh, ti ka duh. Annih nih cun thu hna seh, ti an duh, tiin debate kongah Trump nih a chim. President ai cuhmi minung pahnih nih debate voi 3 an tuah te lai dingmi cu Sep. 29 ah khin Cleveland, Ohio ah, Oct., 15 ah khin Miami, Florida ah, cun Oct. 22 ah khin Nashville, Tennessee ah a si te lai.

Kum 74 a si mi Trump le kum 77 a si cangmi Biden cu khat le khat thluaktlau an i phuhtonh veve.Wednesday ah khin Republican convention ah US Vice-President Mike Pence nih baichimnak a ngei lai. Tu thla dih in cun a rian dinh ai tim cangmi White House adviser Kellyanne Conway zong cu tan ah cun biachimnak a ngei ve te lai.BBC (Cattialtu Chelsea Bawi)

Be the first to comment

Leave a Reply

Your email address will not be published.


*